Vanmiddag is ons bank toe. Oorkant die straat by Ramstore. Om na ‘n jaar uiteindelik die toep op my foon in te stel. Dan hoef ek nie teller toe te gaan om te kyk hoeveel geld ek in die bank het nie. Dit gaan toe vinniger as wat ons gedink het. Al het ons en die bankbestuurder mekaar skaars verstaan.
Lees voort “As dit soos melkskommel lyk in Almaty”
Ons soek al van ons na Qazaqstan getrek het mieliemeel om mieliepap te maak. Manlief is ‘n vreemde spesie, tuis het ek selde pap gemaak. Selfs as ons braai. Hier sal hy sy voortande gee vir mieliepap. Miskien omdat dit eg Suid-Afrikaans is.
Lees voort “Mieliepap in Almaty, Qazaqstan”
Vanaand is manlief lus om ver te stap om iets te gaan eet. Dan kry ons mos sommer ons suurstofvlakke op, so sê hy. Dit sal 100% wees as ons fiks is. Ons is nie fiks nie, maar 97% is goed genoeg vir my as dit onfiks beteken. Hy is sommer lus om 6 km te stap. Ocean Basket toe en terug.
Lees voort “Local is lekker … in Almaty, Qazaqstan”
Van die eerste keer wat ons van Almalty lughawe na die stad gereis het, Januarie 2019, het die lang ry winkels langs die hoofpap op pad in stad toe my gefassineer. Mooi, met modernerige voorkoms.
Lees voort “Vlooimark-mark-vendusie-effek in Almaty”
Ag my aarde, van die eerste keer wat ek in Ust’-Kamenogorsk, of Öskemen, in die noord-oostelike hoek van Qazaqstan aangekom het, het die voetgangers se ongeërgheid my gefassineer. Hier word nie op skool geleer om links, regs en dan weer links te kyk voordat jy oor die pad stap nie.
Lees voort “Voetgangers in Öskemen – algehele vertroue in bestuurders”
Ons woon in ‘n pragtige, groot woonstel hoog in ‘n woonstelblok in Almaty.
Lees voort “Sonde met die bure in Almaty”
Dr. Christa van Staden 