So rukkie gelede land ‘n e-pos in my e-posbus, stel ek nie belang om akademiese skryfkonsultant te wees nie? Ek antwoord met dat ek inderdaad sou belangstel, maar baie ver van die betrokke universiteit af woon, dus kan ek nie aansoek doen nie.
Heel gou kom die antwoord terug, hulle stel belang om beide aanlyn en aangesig-tot-aangesig konsultante aan te stel. Hulle studente is oor die land en eintlik aardbol versprei. Ek moet my CV stuur.
Dit het ek gedoen. En toe ek weer sien, wag ‘n e-pos vir my. Ek is aangestel, ek moet die nodige vorms invul en aanstuur. Met die getrekkery is my PhD-sertifikaat (hoogste kwalifikasie) in ‘n boks versteek. Alhoewel dit my beste kwalifikasie is, het ek dit sowaar nog nooit laat raam nie …
Ek moes vinniger uitpak en soek en uiteindelik kon ek ‘n afskrif van die sertifikaat maak en die vorms instuur. ‘n Dag of drie laat, maar ek het hulle darem op hoogte gehou.
En so sien ek uit na die nuwe werk wat my gaan besig hou. Nie te veel nie, ek dink ek mag maar iets soos 10 ure per week werk, dus 40 per maand. Die inkomste gaan dus maar saai wees, maar die ondervinding heerlik. Sowel as die geleentheid om amptelik te doen wat ek die afgelope paar jaar al gedoen het.
Om studente te help om hulle meesters- en doktorale skryfstukke te verbeter. En natuurlik het ek die groot sprong gewaag en is ek tans die mede-studieleier van ‘n PhD-student. Aangesien ek nie ‘n permanente lid van die personeel van ‘n universteit is nie, kan ek nie die hoofstudieleier wees nie. Maar dit is eintlik goed so, want ek geniet dit om saam met die hoofstudieleier te werk. En ek moet seker eers naam maak?
Ek vertel vir seun dat ek die stoute skoene aangetrek het. En hy vertel vir my dat dit mos presies in ma se kraal is. Dit is wat ma geniet.
En ja, dit is wat ek geniet.
En ek dink ek het genoeg ondervinding om die studente goed te kan begelei. Ek kan foute raaksien, daarom versoek die NRF en verskeie nasionale en internasionale akademiese vaktydskrifte my gereeld om portuurevaluering te doen. Die evaluering van die werke van ander akademici is blind, want ek moet dit doen sonder om te weet wie se werk ek lees. Om objektiwiteit te bevorder.
Wat die NRF betref, is die evaluering nie blind nie. Daar weet ek presies wie se werk ek evalueer. Dit is noodsaaklik, want ek moet die akademici se vorige werke ook bestudeer om ‘n besluit te kan maak. ‘n Moeilike taak, maar ongelooflik opwindend om te weet dat ek help om besluite oor navorsing te maak.
Ek sien uit na die nuwe geleentheid om by die akademie betrokke te wees. En ek hoop werklik dat ek die studente kan help om te verstaan wat van hulle verwag word wanneer hulle ‘n akademiese verslag saamstel.
Ek het nogal die gawe om ander se foute in verslae beter as my eie raak te sien. Toe ek dit nou die dag vir ‘n rekadteur vertel, kry ek die terugvoer dat ek ‘n gesoute navorser is. En dat die instuur van die artikels vir evaluering vir my weer die geleentheid gee om die insae van ander akademici te kry. Gee dus net in, moenie daarop sit nie. En tans sit ek juis op drie artikels …
Wel, daarmee kan ek nie stry nie. Hulle sien altyd iets raak, ‘n plek waar ek te min verduidelik het en my gehoor verloor het omdat ek gedink het hulle weet wat ek weet.
Die hele navorsingskrywery is ‘n proses. Een waarby ek baat terwyl ek skryf, terwyl ander my werk lees en kommentaar lewer. Terwyl ek weer meer leer terwyl ek hulle werk lees om hulle te kan help om hulle skryfwerk te verbeter.
Ek sien werklik baie uit na die nuwe uitdaging.
So skep my rooi jas nog ‘n werksgeleentheid vir my …
***
Rede vir dankbaarheid vandag: Hierdie werk wat in my skoot geval het. Ek sal dit met die nodige liefde en aandag vertroetel. Om manlief ook so bietjie ‘n breekkans te gee. Tans is hy soort van die enigste broodwinner. Ek kry wel goeie geld vir my artikels, maar eers bykans twee jaar nadat dit gepubliseer is …
Dr. Christa van Staden 
Baie geluk en so bly die brein sommer ook skerp. . Watter voorreg het jy om, ongeag waar jy woon, te werk.
LikeLiked by 2 people
Dit is net so, Seegogga, mens kan enige plek werk. Dit is een konsep wat kontakhoëronderwys verstaan. En afstandhoëronderwys glad nie. Ten spyte van die feit dat hulle konsep gebaseer is op die idee dat studente enige tyd en plek kan leer. Gaan my verstand te bowe.
LikeLiked by 1 person
janee regtig. Waar is innoverende denke. Dink jy nie covid inperkings het hulle wakker gemaak nie?
LikeLiked by 2 people
Ek twyfel ernstig, daar is ‘n werketiek probleem wat dit veroorsaak.
LikeLiked by 1 person
ai tog
LikeLiked by 1 person
Baie geluk Christa. Bly vir jou!
LikeLiked by 2 people
Dankie, Aletta, ek sien uit omdat ek dit van die huis af kan doen. In tye wat my ook pas.
LikeLiked by 1 person
Dit is gerieflik om van die huis af te werk.
LikeLiked by 1 person
Vir my is die spesiale voordeel dat ek nie in verkeer vassit nie, dus is ek soveel rustiger as ek begin werk.
LikeLiked by 1 person
Beslis so!
LikeLiked by 1 person
Dit klink na ‘n wonderlike geleentheid … en ja, om dit dan nog van die huis af ook te kan doen, is beslis ‘n bonus! Baie geluk en geniet dit.
LikeLiked by 2 people
Dankie, vriendin, ek sien regtig daarna uit om studente (en akademici) te help om hulle akademiese skryfwerk te bevorder.
LikeLiked by 2 people
Ek is soooo trots op jou.
LikeLiked by 2 people
Dankie vriendin, ek gaan dit vier met ‘n nuwe haarstyl. Stres so bietjie oor die besluit, maar ek dink dit gaan my selfvertroue so bietjie opstoot.
LikeLiked by 2 people
Doen dit! Dis altyd lekker en jou hare groei mos weer as jy nie daarvan hou nie. 😁
LikeLiked by 2 people
Ek het die afspraak uitgestel na Vrydag, maar gaan dit steeds doen. Buitendien, hare groei weer soos jy skryf.
LikeLiked by 2 people
Onthou om ons te kom wys hoe dit lyk.
LikeLiked by 2 people
Hmmm, ek sal probeer onthou.
LikeLiked by 1 person
Congrats, Christa 🎉 & a bonus to work from home 😃
LikeLiked by 2 people
Thank you very much, Jez. Yes, it is a bonus, I am not good in slow traffic, i cannot stop thinking about the time wasted. My husband loves it, it gives him time to prepare – says he …
LikeLiked by 1 person
Dit is wonderlik dat jy so iets kan aanpak en van die huis af te kan werk.
LikeLiked by 3 people
Dankie, Anne, dit is. En ek dink nogal ek is gereed daarvoor.
LikeLiked by 1 person
baie geluk 🎊 My hoogste graad is ‘n blote BA in Filosofie en Sielkunde (dubbelgraad) en ek het nooit daaraan gedink om dit aan die muur te hang nie. Dit sit in my C.V. Ek is so bly jy het joune gevind, Dr.
LikeLiked by 2 people
Dankie, Andrew, ek is Christa vir al my vriende.
LikeLike
Couldn’t resist the Dr. Ek is Andy vir al my vriende.
LikeLiked by 1 person
Ag oulik, Andy, ek sou dit nooit raai nie. Dankie.
LikeLike
Baie geluk Christa🥳🌻🥳🌻, dis wonderlike nuus
LikeLiked by 1 person
Dankie liewe vriendin.
LikeLike
Dit so lekker as mens so geseën word! Ek is saam met jou bly. Geniet elke oomblik! 💙
LikeLiked by 1 person
Dankie, vriendin, ek het die geld nodig.
LikeLike