Vanaand gaan ek min skryf. Ek moet by my voorneme hou om elke dag te skryf oor iets waaroor ek dankbaar is. En vandag is ek dankbaar dat ons ingetrek is, al is ons nog nie heeltemal uitgepak nie.
Ons het Vrydagmiddag begin. So twee keer per dag die bakkie en later ook die Suzuki Swift vol gelaai, hierheen gekom, uitgepak en teruggegaan. Om die volgende dag weer te pak, laai, af te laai en uit te pak. So is al die breekware en kombuisgoed en kruideniersware teen Maandagaand in die nuwe huis.
Die vervoermense het vanoggend 8 uur opgedaag. Ek hou baie van mense wat betyds is. Binne twee ure gelaai en ‘n uur later was al die groot meubels in die nuwe huisie, so 10 km vanaf die vorige een wat ons verkoop het.
Reeds van Saterdagoggend af staan ek en manlief soos ou mense op. Die spiere is seer, ons moet dit eers soort van warm kry om vinniger te stap. Maar ons het aangehou en uitgehou en die vrugte gepluk.
Ek haat dit as die vervoermense elke twee sekondes inkom en vra na watter kamer ‘n boks gevat moet word. En wanneer die bokse my huis vol staan.
Ons kon twaalfuur al kos maak, koerldrank drink, rustoig regskuif. Want die grootste werk is oor die naweek gedoen.
En nou gaan ons slaap, ek is regtig moeg na die gepakkery.
Vyf maande gelede het ons in Kuruman gepak om stad toe te kom. Gedink dit is ons aftreehuis. Maar toe weet ons nie hoe kompleks komplekslewe is nie. Toe het ons twee griep (covid) gehad en was ons twee weke plat in die bed voordat ons kon begin pak. Toe het ons stadig gepak, moeg geraak en gestop.
Nou het ons pure lewe gehad, ons het binne drie dae getrek en slaap vanaand in ons nuwe huisie.
Die Here is ons genadig, en ek is dankbaar daarvoor.
Hooffoto: ‘n Onsie (selfie van meer as een mens) van my en die Schnauzers oor kersnaweek by die rivier. Is ons nie oulik nie?
Die water het gister hoër gestyg by die Vaal, tot 3 meter gestyg en weer gesak. Ek dink egter steeds die dam word goed bestuur en dat ons nie gaan oorstroom nie.
En so terloops, hier waar ek tans bly, is daar ook oorstromings. Hier was juis daar verlede week oorstromings toe die Hennops oor sy walle gevloei het as gevolg van erge reën. Darem ver van my huis, maar tog naby my. Dan moet die mense in die ander deel van die landgoed by ander hek ingaan omdat die pad oorstroom is. Hoe vreemd is dit nie?
Dr. Christa van Staden 
Ek hoop julle sal gou tuis voel.
LikeLiked by 2 people
Baie dankie, vriendin, ons het soos babas geslaap na die baie werk.
LikeLiked by 2 people
Sjoe, julle is vinnig en besig. Hoop julle bly heerlik🌻🌻
LikeLiked by 1 person
Dankie Virgo, ons lywe is seer, maar ons harte loop oor. Dit is heerlik in ons nuwe huisie.
LikeLike
🌻🤗🤗
LikeLike
julle trek soos jong mense. Hoop julle bly lekker daar
LikeLiked by 1 person
Ons doen, maar die lywe kla hoor. Dankie Seegogga.
LikeLike
😅
LikeLike
Christa,ek is mál oor jou selfie en dankbaar dat julle klaar ingetrek het.
LikeLiked by 1 person
Baie dankie, ek het lekker gespeel. En soort van lekker getrek.
LikeLike
Nou kan jy maar met jou plante begin praat en saam floreer.
LikeLiked by 1 person
Dankie, vriendin, en is hier nie ‘n verskeidenheid nie?
LikeLike
Mooi!
LikeLiked by 1 person
I can read some of this without the translator. I’ll read it later tomorrow.
LikeLiked by 1 person
That is excellent Andrew
LikeLike
Ah, ek hou van jou onsie – dis nou oorspronklik! En bly julle is ingetrek in die nuwe huis – dis eintlik heel opwindend (en ek en my man herinner mekaar altyd vreeslik maklik dat Rome nie in een dag gebou is nie 😉).
LikeLiked by 1 person
Jong, dit was ‘n ding. En ons trek die naweek goed wat gestoor is ook hierheen. Maar dankie, dit is lekker om te hoor.
LikeLiked by 1 person
So bly julle is in! Dis te lekker! Mag julle baie gelukkig wees in die nuwe huis. 💙
LikeLiked by 1 person
Dankie, vriendin. Ons bly lekker.
LikeLike
SJoe Christa….ek het gedog ek het bie getrek maar jy is besig om my rekord te breek hoor! Hoop julle settle gou
LikeLiked by 1 person
Dankie Woordnoot, ons is basies in. Dit is heerlik en ja, ek dink ons gaan hier oud word en doodgaan.
LikeLike
Ek hoop so vir jou part….
LikeLiked by 1 person
Mens sal nooit weet nie, maar vir nou is ons tuis.
LikeLike
Bly om te hoor julle is al by die nuwe huis!
LikeLiked by 1 person
Ag dankie, Aletta, ek sal bietjie daarvan vertel.
LikeLike
Sien daarna uit
LikeLiked by 1 person
Jy gaan vir my moet sê waar julle nou bly, dalk kom drink ek tee eendag
LikeLiked by 1 person
Ek stuur die adres, jy is baie welkom. Lekker naby jou werk vir ‘n teetjie
LikeLiked by 1 person