Ek moet eerlikwaar skryf dat ek nie weet hoe ek dit reggekry het nie, want ons kleinseuntjie het sy ouma pootuit gespeel. Maar daar is dit nou, die tweede artikel vir 2022 is gepubliseer – net-net betyds om vir 2022 te tel.
Ek was in 2015 verantwoordelik vir die opleiding van dosente in die gebruik van tegnologie. In hierdie een fokus ek op die doeltreffendheid van die gesamentlike ervaringsleertake wat ek geskep het om hulle te leer om die wiki en die glossarium van ‘n leerbestuurstelsel doeltreffend te gebruik.
Hier is die skakel:
Doeltreffendheid van gesamentlike ervaringsleertake tydens opleiding van dosente in afstandhoëronderwys
Vir nou kan ek ontspan, ek het die gestelde doelwitte bereik.
Halleluja!
Natuurlik weet ek hoe ek dit reggekry het. Die Here het my ryklik geseën met die vermoë om te gaan sit ek werk wanneer ek moet. En op te vlieg en te skryf as ‘n idee my vasvang.
Ek het nogal gesukkel met ‘n invalshoek vir hierdie artikel. Daarom was die positiewe kommentaar van die keurders ‘n riem onder die hart. Op die oog af dan die beste artikel wat ek al geskryf het.
Ek kan net dankie sê vir die genade.
Dr. Christa van Staden 
Wat ‘n lekker gevoel!
LikeLiked by 1 person
Genade tog, Anne, beslis
LikeLike
Ek weet ook nie hoe jy dit regkry tussen kleinkind, trek, ens nie. Superwoman!
LikeLiked by 1 person
Ek weet ook nie, maar dit is genade. Die Here het krag gegee wanneer ek op is.
LikeLike
Dis wonderlik Christa! Welgedaan!
LikeLiked by 1 person
Baie dankie, vriendin, ek mik vir meer vir volgende jaar.
LikeLike
Klink goed!
LikeLiked by 1 person
Baie geluk! Dit wil gedoen wees so tussen die besig-wees deur … en dis altyd lekker om ‘n stempel van goedkeuring vir jou werk te ontvang.
LikeLiked by 1 person
Jong, jy weet dan. Baie dankie. Ek self voel nie dit is my beste nie, maar dit is die eerste keer wat die keurders sulke spesiale kommentaar gelewer het.
LikeLiked by 1 person