Moenie skrik nie, jy is steeds by my blog. Ek het mos vertel dat ek besluit het om my persoonlike joernaal van my aanlyn CV te skei.
Ek het aanvanklik op my blog by christavanstaden.com oor akademiese en persoonlike goed geskryf. Die domain Christavanstaden.com is egter begin met die hoofsaaklike doel om my CV aanlyn te publiseer, beide in Afrikaans en Engels. Dit is net soveel makliker as om my CV gereeld op Word op te dateer.
Ek het hierdie week weerens ‘n domain naam gekoop, naamlik cvsjoernaal.com. Dit voel net reg, CVS se joernaal waar ek oor my persoonlike gevoelens, lewe en drome gesels. Daardie gevoelens, drome en lewe wil ek nie graag met my werkgewers deel nie, ook nie met nuwe werkgewers of studente nie. Dit is my privaatlewe, wat nie met my akademiese lewe gemeng behoort te word nie.
Iewers in Augustus 2021 het ek reeds ny persoonlike blog en my akademiese blog geskei. Toe het dit sin gemaak om die domain naam doktorvanstaden.com te koop om my persoonlike blog na daardie domain geskuif. Dit voel egter (a) baie formeel om my persoonlike blog onder my formele titel te publiseer en (b) die titel pas veel eerder by my akademiese blog. Daarom het ek hierdie domainnaam met christavanstaden.com verenig sodat mense wat my akademiese werk wil lees, kan soek vir Christa van Staden of Doktor van Staden om my akademiese werk te lees.
As jy my CV wil lees, of oor my akademiese skryfwerk wil lees, moet jy asseblief christavanstaden.com of doktorvanstaden.com volg. Beide sal jou na dieselfde webwerf neem. Jy kan dan ook besluit of jy my akademiese blog ook wil volg. Twee onlangse artikels daar is hierdie ene oor sinonieme en hierdie ene oor antonieme. Want Afrikaans is na aan my hart. Navorsing en onderwys ook – oor dit alles skryf ek op my akademiese blog.
Soos reeds genoem, skryf ek hier oor die lawwe goed in my lewe, spot ek met myself as ek lawwe goed aanvang, vertel ek van my honde en hulle dinge, my lewe, die dinge wat vir my saak maak en wat ek eendag ook wil onthou as ek oud is en dit weer op die stoep van die ouetehuis lees.
Hier lag ek oor die oulike goedjies wat my kleinkinders doen. En hier is ek vroulief, ma van twee kinders, skoonma (lees ma) van nog twee kinders, ouma van vier seunskinders tussen 10 jaar en 18 maande oud. Hier is ek nie Doktor van Staden nie, bloot Christa.
Die hooffoto is in Oktoebr 2015 geneem, ek kan nie glo dit is so lank gelede nie. Ek het by ‘n kongres in Kaapstad gepraat en ek en manlief het langer gebly, en ook na een van my gunstelingstrande gegaan, naamlik Bloubergstrand. Ons het by Ocean Basket geëet en dit herinner my aan ons drie of vier etes by Ocean Basket in Almaty, Kazakhstan, toe ons ‘n jaar gelede daar gebly het …
Dr. Christa van Staden 
Dit maak sin,Christa💞
LikeLiked by 1 person
Dankie vriendin.
LikeLike
Ek is bly ons gaan nie die ‘regte egte’ jou verloor nie.
LikeLiked by 1 person
Ai Anne, ek sal heeltemal te veel verlang.
LikeLike
Dis ń goeie naam, Christa, ek hou daarvan.
LikeLiked by 1 person
Dankie Una, dit sit gemaklik met my ook.
LikeLike
Dit maak beslis sin! Lekker om deel te wees van die blog!
LikeLiked by 1 person
Baie dankie, vriendin.
LikeLike
😀💕
LikeLike
Dit maak sin dat jy net jy wil wees sonder al die werk se personeel se insae.
LikeLiked by 1 person
En insae met mense waarmee ek nie alles wil deel nie. Kollegas is nie vriende nie – of selde – hulle is teenstaanders, selfs al dink mens dat hulle vriende is. Dit het ek elke keer agtergekom as ek ‘n skool verlaat.
LikeLike
Netso. Ek het ook altyd my skool mense apart gehou van my vriende. Alhoewel ons later in my getroude lewe geen buite vriende gehad het nie. Ek het wel die sekretaresse as my beste vriendin gehad.
LikeLiked by 1 person
Hulle word vriendinne, maar mens kan hulle ook nie altyd vertrou met jou persoonlike lewe nie.
LikeLike
Beslis so. Daar is altyd ‘n geleentheid dat iemand wat jou goudgesind is vertel van dinge wat nie nodig is om vir almal te vertel nie. Die sekretaresse was ‘n juweel. Baie kwaai omdat sy haarself ook moes beskerm teen aanslae van buite. Ons was regtig sielsgenote. Sy was soos n ma vir my.
LikeLiked by 1 person
Dit is baie spesiaal om te hoor.
LikeLiked by 1 person
Ek stem saam met jou.
LikeLiked by 1 person