Woensdagaand neem ons twee Dusty vir ‘n was. Sy moet staan vir foto’s want ons moet haar verkoop. Ons gaan huis toe. Permanent. En sy kan nie saam gaan nie. Dit sal nie die moeite werd wees om haar in te voer nie.
Terwyl sy by die karwas onder in Ramstore gewas word, eet ons twee sommer by Forest, wat eintlik oorkant die straat is, maar ons moes nou vir die was ry.
Die kelner is oulik, help ons in gebroke Engels en probeer ons help vertaal. Die spyskaart is in Russies. Maar, ons twee is gekonfyt, kom maklik reg met ons toeps. Sien, dit is waarom ons nou nog nie Russies kan praat nie. En nou gaan ons al weer huis toe.
Ek het borscht gekies en hy was baie tevrede met my keuse:
“Traditional soup” laat hy hoor.
Ek knik dat ek die kommentaar waardeer, ek ken van borscht en hou baie daarvan. Veilige keuse as ek nie baie wil eet nie.
Manlief vat ‘n steak, nogal tevrede met sy keuse wat mielie ingesluit het en waarvoor hy slap skyfies ekstra gevra het.
Toe ek foto’s neem, vra die kelner my foon en neem foto’s van ons twee. Hoe oulik is dit nie?
Dit is nie die eerste keer wat ons daar eet nie.
Ons tweetjies het ook daar geëet toe ons pas oorgetrek het na Almaty toe. En nog nie kos vir die kaste gekoop het nie. Toe het ek nog nie foto’s geneem as ons uiteet nie.
Saam met vriende was ons nog nie daar nie.
Dalkies kan ons Forest doen as Mia kom kuier voor ons weggaan. Anders was dit die laaste keer daar. Twyfel of ons weer daar gaan eeet. Daar is restaurante om te verken voor ons huis toe gaan.
Dit was vandag die eerste keer wat ek daaraan gedink het dat mens ook so in Suid-Afrika kan eet. En dit is een bevrydende gevoel. Ons twee sien verskriklik baie daarna uit om weer in ons eie land te wees. Tussen ons eie mense.
En natuurlik goedkoper. Almaty is baie duur! Maar, ek weet nou al, ons gaan daar min uiteet.
Want manlief kan nie wag vir ‘n braai op die stoep van een van ons twee blyplekke nie.
Dr. Christa van Staden 
Dit klink só lekker. Hoe werk die reëlings vir julle terugkeer? En wanneer vlieg julle terug? Ek is nogal nuuskierig hoe dit alles gaan werk.
LikeLiked by 1 person
Sal vir jou e-pos stuur. Of het ek jou telefoonnommer? Ek e-pos myne vir jou.
LikeLike
‘n Braai is meer gesellig as jy saam met familie of vriende is. Al eet ek nie vleis nie, hou ek baie van ‘n braai.
LikeLiked by 1 person
Ek het ook geen erg aan vleis nie, maar met my man is dar altyd ‘n braai. Gewoonlik braai hy vir my vis of hoender, Ek wonder of ek dalk eendag na groente sal oorskakel?
LikeLike
Dit is alles maklik vir ons. Ons HR reël alles. Ons moet net ‘n paar goedjies verkoop. Dusty het ‘n baas gekry, sy gaan al Dinsdag na hom toe. Dit was ons grootste kopseer. En toe stuur di =e Here die regte man op die regte tyd. Ons is verskriklik opgewonde. Min dae … hoop ek onrmoet jou een dag.
LikeLiked by 1 person
By my woonstel mag ons nie oop vuur maak nie. Die geliefde was siek omdat hy nie iets kon aansteek nie. Toe laat bou hy vir hom ‘n alamintige braaibak, pak bakstene in en maak vuur met brickets. Kole sonder vuur. Nou is hy weer gelukkig. Gasbraai is nie regtig dieselfde nie, nê.
LikeLiked by 2 people
Glad nie. Ons braai op elektriese braai wat geen rook maak nie, maar dit is so anders. Daar is nie die geselligheid van ‘n vuur nie.
LikeLike
daai sagte rooi en geel liggies in die kole, die vuurvliegies wat in die lug opskiet, die geknetter en skiet van wat ookal in die hout is – onvergeetlik
LikeLiked by 1 person
Ek stem saam, maar ek sien nie die liggies as vuurvliegies nie. Eerder as verskietende sterre. Hulle lok my altyd om te kyk, en op te pas. Om nie te naby te staan nie. Vir ingeval ene lus is om ‘n gaatjie te brand. Jy beskryf dit mooi.
LikeLike
Julle mense kyk al uit vir julle. 🙂
LikeLiked by 1 person
Ons sien so uit daarna om hulle weer in ons arms te hou. En dan wil ek op ‘n stadium my blogvriendinne probeer ontmoet.
LikeLiked by 1 person
Ja, ons wil jou ook graag ontmoet.
LikeLiked by 1 person
Inderdaad.
LikeLiked by 1 person
Ek kan net dink hoe droom julle oor die rerugkeer.🥰
LikeLiked by 1 person
Una, ons kan net nie meer wag nie. Ons pak en sorteer uit en geniet die proses.
LikeLike