(b) Stofname
Stofname verwys na elemente en stowwe, byvoorbeeld platinum, silwer, goud, lood, yster, sand, melk.
Let daarop dat die woorde nie telbaar is nie, jy kan nie sê een melk nie, maar wel een bottel melk, een staaf goud.
Geen van die eienskappe van selfstandige naamwoorde is op hierdie woorde van toepassing is nie.
- Jy kan nie van ‘n goud praat nie.
- Daar is geen meervoudsvorm nie en
- Dit dui geen geslag aan nie – dus moet jy hierdie woorde leer en onthou.
Let op: Indien sommige van hierdie woorde in die meervoud gebruik word, is hulle nie meer versamelname nie, bv.
- Ek het baie ysters in die vuur, in watter geval ysters ‘n soortnaam
Let op: As die stofnaam verbuig is, is dit nie meer ‘n stofnaam nie, bv.
- goue horlosie is ‘n byvoeglike naamwoord – vertel meer van die selfstandige naamwoord (horlosie).
(c) Versamelname
Versamelname verwys na ‘n groep mense, diere of goed (soortname)
- swerm (voëls)
- skool (visse)
- Gemeente (klomp mense met een predikant).
Versamelname staan altyd voor nog ‘n selfstandige naamwoord, soos in die voorbeelde gesien kan word. Dus is daar in sulke gevalle twee selfstandige naamwoorde na mekaar, ‘n versamelnaam gevolg deur ‘n soortnaam.
(d) Eiename
Eiename verwys die name van mense, goed en plekke, bv.
- Kruin gemeente
- Gauteng
- Roodepoort
- Susan Joubert
Let daarop dat geen van die eienskappe van selfstandige naamwoorde van toepassing is nie
- geen lidwoord pas voor die eienaam nie
- die woorde dui nie geslag aan nie
- baie min van hierdie woorde kan in die meervoud en verkleining omgeskakel word, maar daar is woorde wat in meervoud en verkleining kan voorkom bv. Van Stadens, Van Stadentjie
(e) Abstrakte selfstandige naamwoorde
Abstrakte selfstandige-naamwoorde is woorde wat ons nie met die blote oog kan sien nie, byvoorbeeld emosies soos:
- liefde
- afguns
- nyd
- afguns
- blydskap
- haat
Let daarop dat die reëls van selfstandige naamwoord nie op alle abstrakte s.nwe toegepas kan word nie.Nie seker of ‘n woord ‘n selfstandige naamwoord is nie? Vra dan gerus in die kommentaar, ‘n antwoord is altyd slegs die druk van ‘n knoppie weg!
Dr. Christa van Staden 
Ek is daarvan oortuig dat veral ‘n tweejare se naam ‘n SELSFTANDIGE naamwoord is.
LikeLiked by 2 people
tweejarige sal een kan wees, soortnaam, maar tweejare ken ek nie.
LikeLike
dis nou weer die ou met twaal beroertes en ‘n baie duiselige kop wat getik het daar………
LikeLiked by 1 person
Jy het my vir ‘n oomblik laat wonder, maar dit verwys na ‘n spesifieke soort kind, een wat twee jaar oud is.
LikeLiked by 1 person
Ja, want op 2 is hulle baie “selfstandig” en “kan self.”
LikeLiked by 1 person
Ons moet nou al in graad 2 (van alle dinge!!! ) vir die kinders leer van selfstandige naamwoorde, en dit sluit hierdie groot woord self in. Toe besluit ons in ons fase, ons gaan dit beperk tot die basiese vorms – dit wat jy kan sien, voel proe en hoor – goeters, dinge. En dit werk. En toe kom die werkwoord – alles wat jy kan doen. Tipies, omdat dit die tweede groot woord is, word alle selfstandige naamwoorde en werkwoorde nou in 1 sin onderstreep wanneer hulle moet kies.
LikeLiked by 1 person
Sjoe, dit klink moeilik vir graad 2’s. Ek gaan bietjie hoor hoe kleinseun dit leer.
LikeLike
Geheimpie: Ek het nooit al die benamings en dinge geleer nie. Dit het net nie by my ingesink nie. Baie moeilik om, as jy nie weet nie, woorde te gebruik. Praat ek dalk Grieks hier? Ek kan gladnie onthou dat ek dit geleer het nie.
LikeLiked by 1 person
Ek het, net omdat ek moes. Maar, ek sien dat baie studente baat vind by my taallesse, dus gaan ek dit nou op ‘n weeklikse basis doen. Net vir die lekker.
LikeLike
Dis goed om dit te kan lees en hoor. Ek wat self n taal onderwyser was het nooit van die uiteensetting gehou nie want jy het net dood eenvoudig goed uit jou kop geleer en dit weer gegee in die eksamen. Dis baie makliker om te weet waar die woord vandaankom of waarvoor dit gebruik word.
LikeLiked by 1 person
Ek het my kinders weer die reëls geleer. As hulle die reëls geken het, kon ek enige iets vra en hulle kon dit doen. Ek het dit gehaat om vir hulle lyste met woorde te gee om te leer. Seker maar omdat dit vir my sielsdodend was.
LikeLike
Ek het ook met die skoolhou self kinders geleer waar dit vandaan kom. Ek het bedoel toe ek op skool was het ons nog Bennett system gebruik vir Eng. Selfs in my derde jaar by mr Bennett klas gekry waar ek spesifiek uitstekend gevaar het omdat ek alles uit my kop geleer het. Ek dink hy was nie juis die beste Eng onderwyser nie, tong in die kies!
LikeLiked by 1 person
Ek dink oook nie dit is goed om goed uit die kop te leer nie. Dit rol net so weg in my geval as dit klaar in die eksamen geskryf is. Stem saam met jou, dit werk nie.
LikeLiked by 1 person
Is ‘reaksie’ ń abstrakte selfstandige naamwoord vir ‘reageer’?
LikeLiked by 1 person