Keer so dat WhatsApp-prentjies jou foon vol maak

Ek het iemand baie na aan my wat elke liewe dag vir my prentjies stuur. Die probleem is dat ek dit nie op my foon wil hou nie …

Ek wil die persoon nie blok dat ek nie meer die prente kry nie, want ek wil kontak hou. Maar, ek wil die prente nie hou nie en beslis nie op my foon berg nie.

So maak mens om te keer dat prente op jou foon gestoor word:

• Maak WhatsApp oop
• Klik onder aan jou skerm op settings
• Blaai af na chats en klik daarop
• Langs Save to Camera roll is ‘n skuifknoppie
• Dit moenie aan wees nie (groen), klik daarop om dit af te skakel

Jy kan ook beheer hoe goed wat mense vir jou stuur, gestoor word:

• Maak WhatsApp oop
• Klik op settings
• Blaai af ek klik op Storage and Data
• Klik op pyltjie langs Manage Storage
• Kyk onder review en delete wat jy wil hou en wat jy wil uitvee

Jy kan ook keer dat prente en videos en stemboodskappe outomaties aflaai:

• Maak WhatsApp oop en klik op settings
• Blaai af na storage en data en klik daarop
• Blaai heel eerste af na Media auto-download
• Kies by elkeen hoe dit outomaties mag aflaai (sellulêr en wi-fi, net wi-fi of nooit)

As die hoeveelheid boodskappe van baie mense jou irriteer, veral as jy die hele tyd kennisgewings daarvan kry, kan jy die volgende doen:

• Klik op settings
• Blaai af en klik op notifications
• Kies watter kennisgewings jy wil kry en nie wil kry nie.

As die hoeveelheid boodskappe van ‘n enkele mens of groep jou irriteer, kan jy die volgende doen:

• Maak WhatsApp oop (chats)
• Klik op die mens se boodskap
• Klik bo-aan skerm op die mens se naam
• Blaai af en klik op mute
• Jy kan kies vir 8 ure, ‘n week of vir altyd
• Ek kies vir altyd om geen kennisgewings te kry nie

As jy ook nie wil sien dat daar boodskappe van die mens of groep is nie, kan jy die volgende doen:

• maak WhatsApp oop
• Druk op die persoon of groep se naam en blaai na links
• Kies archive (blou) om die boodskappe na die argief te stuur

As jy niks van die persoon wil hoor nie, maar die persoon ook nie wil blok nie, kan jy die volgende doen:

• Maak WhatsApp oop
• Druk op die naam en blaai na links
• Kies Lock Chat en stuur die persoon daarheen

Dit is ‘n handige funksie as jy die persoon om een of ander rede nie wil blok nie, soos byvoorbeeld dat dit naby familie is. Jy sien die persoon nie op jou muur nie en ook nie onder argiewe nie. Maak so om die locked chats te sien:

• Maak WA oop
• Bo-aan die skerm kan search blokkie sien
• Druk met jou vinger op die skerm en blaai af
• Die Locked chats lêer is dan sigbaar, dit is onder search versteek
• As jy daarop klik, kan jy die gesprekke sien wat jy weggesluit het

Hierdie funksie kan ook misbruik word deur mense wat skelm vry, net hulle kan die lêer oopmaak omdat dit ‘n verdere vlak vereis om oop te maak, soos byvoorbeeld jou gesig of jou pin of jou vingerafdruk. ek vind dit baie bruikbaar om mense wat hulle vingers nie kan beheer wanneer hulle vir my boodskappe stuur weg te sluit. het jy ook iemand wat na aan jou is wat ‘n intense genot daaruit put om jou te beledig? Ek het en ek het net nie meer krag vir haar nie …