Ek voel op die oomblik soos iemand op ‘n trein, tussen stasies. Probleem is dat ek op meer as een trein gelyk probeer reis …
En dit werk nie …
Ek wou vanjaar eintlik nie navorsing doen nie, almal wat gereeld lees, weet waarom. Maar o wee, ek is net met navorsing besig.
My PhD wil Julie indien, dus werk ons dubbelspoed om sy tesis af te rond. Dit neem ongelooflik baie tyd in beslag, hy is soos ek. Sy tesis is ook al meer as 500 bladsye lank.
My artikel wat ek by Heliyon ingedien het, is aanvaar vir publikasie, maar ek moes eers veranderinge aanbring. Dus het ek daaraan gewerk, mens het ‘n sperdatum om dit terug te gee. Heliyon is ‘n internasionale vaktydskrif vir opvoedkunde, ek is superopgewonde oor die aanvaar van die artikel. Dit is in … en ek het soveel geleer, nou publiseer ek my datastelle aanlyn.
My artikel wat ek by die Suid-Afrikaanse Tydskrif vir Natuurwetenskap en Tegnologie ingedien het, is aanvaar, ook met veranderinge. Dit was moeilik, want ek het net 8000 woorde om te gebruik, en toe maak ek maar ‘n plan. Gebruik skermskote van ChatGPT se gedigte en hou dit in artikel, maar skuif al die ander antwoorde na ‘n datastel, wat aanlyn gepubliseer is. Dit is nuwe manier van doen, mens publiseer jou data ook … Die artikel is in gevorderde stadium, is by copy editing fase.
Ek het vir gradering aansoek gedoen, om as navorser gegradeer te word. Ek moes veranderinge aanbring, beter motiveer waarom my navorsing belangrik is. Ek sukkeo nogal daarmee, om my vaardighede te verkoop … Dit is ook in.
Die redakteur van ‘n nuwe vaktydskrif vir Geografie vakdidaktiek het gevra dat ek soortgelyke artikel as my Afrikaanse een in Engels skryf vir moontlike publikasie. Dit doen ek volgende week.
En toe land ‘n versoek van dieselfde vaktydskrif in my gemorspos, sal ek asseblief ‘n artikel evalueer? Dit het ek aanvaar, dit is lekker om te weet dat my kennis tog belangrik geag word.
Dan het my medeskrywer uiteindelik na die artikel gekyk, dit is amper ‘n jaar gelede geskryf. Daaraan het ek nog nie aandag gegee nie, dit is werklik op die oomblik moeilik om tyd daarvoor te maak. Ek sal eers alles moet nagaan, daar is soveel intussen in ander artikels geskryf.
En so maak ek nie tyd vir hier skryf nie, want as ek doen, is daar net te min tyd vir my regte skryfwerk.
Ek lees darem soms, lewer kommentaar, want ek mis die skryfwerk baie.
Dit is baie goed om te hoor hoe besig jy is!
LikeLiked by 1 person
Ek wil sowaar nie so besig wees nie, Anne. Ons navorsingsgeld, wat November moes uitbetaal, is steeds missing-in-action. Ek is baie ongelukkig daaroor, voel of ek kosbare tyd mors.
LikeLiked by 1 person
Sterkte met al hierdie projekte, Christa. Dis wonderlik hoeveel deure vir jou oopstaan.🤗
LikeLiked by 1 person
Dankie, Una, juis nou dat ek nie meer omgee of wil nie.
LikeLiked by 1 person
Dalk is hierdie juis jou tyd om objektief te besluit wat om te laat gaan en wat jy steeds voor kans sien. Jy het keuses, en dis wonderlik
LikeLiked by 1 person
Dit is, maar ek het kontrak. Weet net nie hoekom ek my kant moet nakom nie, vier maande later is verlede jaar se geld steeds miising in action.
LikeLiked by 1 person
Jy is omtrent besig, Christa. Sterkte daar!
LikeLiked by 1 person
Nogals, maar dit is om een of ander rede lekker ook …
LikeLiked by 1 person
☺️
LikeLike
Eish Christa, sterkte met als. Hopelik raak dit beter vir jou.
LikeLiked by 1 person
Jong, die PhD hou my baie vas. Dit is 500 bladsye lank en elke woord tel
LikeLiked by 1 person
Ek kan dit glo, maar jy is mos n ystervrou, met goud oorgetrek
LikeLiked by 1 person
Maar, so baie dankie vir die simpatie/empatie
LikeLiked by 1 person
Jy’s omtrent ‘n besige bytjie. Mens kannie sonder besig bly lewe as jy gewoond daaraan is. Mens raak gou verveeld en soek tog weer om meer te doen. Terwyl jy dit kan doen moet jy maar volhou. Dis goed vir liggaam en gees. Sterkte met al die aanvaardings.
LikeLiked by 1 person
Dankie, liewe Scrapy, is waar.
LikeLiked by 1 person
So baie om te doen, so min tyd! Maar liewer dit as om dae om te wens uit verveeldheid. Sterkte met alles wat jy doen en nog wil en moet doen!
🌳
LikeLiked by 1 person
Dankie, Rina, is so, eerder as wat mens niks het om te doen nie. Dankie vir die saamgesels
LikeLike
Jy is op ‘n “roll” Christa! Ek dink jy moet maar “train hopping” doen – dan hier en dan weer daar. Sterkte … en onthou om darem so dan en wan ‘n ruskansie te vat.
LikeLiked by 1 person
Ag dankie, dit voel of ek begin wen.
LikeLiked by 1 person