Ek het hierdie foto van seemeeue in vlug op 25 Januarie 2010 op een van die strande van Fraser eiland, Australië, geneem.
Dit is met my Pentax geneem, wat toe nog baie nuut was. Nou is sy al 12 jaar oud en lanklaas gebruik, want my foon is net gerieflik naby.
En sy is ‘n baie swaar dame.
Dit was so verrassend om in ‘n vreemde kontinent op vreemde grond te staan en na sulke bekende voëls te kyk. Al lyk hulle so effens anders in kleur.
Hierdie foto het ek verlede week in Stilbaai, Suid-Afrika met my iPhone XS geneem …
Mooi bly darem maar mooi. Al het ek ‘n heilige ontsag vir seemeeue nadat hulle by ‘n restaurant in Sydney my garnale van die staander tussen my en manlief af gesteel het. Ek het my koud geskrik vir die geveerde gevaarte wat op my kos afgepeil en met die vangs in sy bek weggevlieg het om dit daar te gaan sit en eet. Hulle het toe sosatiestokkies in die kos kom steek opm die gevaartes af te skrik.
En ek wonder nou: Was dit hulle partytjiegrap met besoekers? As hulle geweet het wat werk kon hulle die kos mos so voorgesit het?
Dr. Christa van Staden 
Mooi fotos!
LikeLiked by 2 people
Dankie, vriendin. Dit kom nie naby jou foto’s nie, maar wys darem genoeg detail vir iemand soos ek wat net vinnig kliek en aanstap. Vir die laaste een het ek al nader gestap tot die een wegvlieg. Die ander een het my net kwaai aangekyk.
LikeLiked by 1 person
Ons het al so ons slap chips van ons bord af verloor toe die apies by Plettenbergbaai se Monkeyland dit kom gaps het baie jare gelede. 😄 Die blog het my weer van dit laat onthou.
LikeLiked by 1 person
En mens skrik baie, baie groot.
LikeLike
Mooi foto’s – so dieselfde, maar tog ook verskillend. Ek onthou hoe die seemeeue tydens skool pouses (toe ek in die laerskool was daar aan die Weskus), bo die skoolgronde rond “gehang” het om broodkorsies te eet wat kinders nie wou eet nie 😄. Ek het maar nog altyd fyn rondom hulle getrap (hulle laat my te veel aan daardie fliek “The Birds” van Alfred Hitchcock laat dink) …
LikeLiked by 1 person
Ek wou dit skryf. Daardie fliek het my jare en jare lank bang vir enige geveerde gemaak.
LikeLiked by 1 person