Ek het hierdie artikel op 17 Junie 2017 begin skryf. Nooit klaargemaak nie, dit het in die besig-om-aan-te-werk lêer gaan lê en wag, saam met baie ander.
***
My dogter het vreeslik baie navorsing gedoen voor sy ‘n tweede woef aangeskaf het: moet met ander woewe oor die weg kom, goeie geaardheid, moenie hare verloor nie, ensomeer. Uiteindelik het Miniatuur Schnauzers al die boksies gemerk, en so het sy vir Katryn gaan koop. As ek reg onthou was dit in Harties se wêreld. Katryn moes Kobus se maat wees. En, gebaseer op haar oulikgeid het ek vir Illonka ‘n jaar later aangekoop.
Illonka (troetelnaam BB wat afkorting vir Bederfde Brak is) is ‘n volbloed Miniatuur Schnauzer en van Piet Retief afkomstig. Sy het sommer gou in ons almal se harte ingeklim en sy is nie altyd seker dat sy ‘n woef is nie. Ek ook nie, want ek is haar mensmamma, nie haar baas nie.
BB verstaan baie woorde, ek moet begin navorsing doen oor presies hoeveel.
Ek kan byvoorbeeld vir haar sê: Lê stil! as seun haar magie krap. En dan sal sy ophou krap, al smag sy daarna. Haar hele gesigsuitdrukking sê dat ek haar darem nou vreeslik baie straf. Dit is mos ‘n woef se lewe.
Sy is my beste maatjie en doen alles saam met my. Ook op my vierwielfiets. Daar staan sy met twee agterpote op my bene en twee voorpote op die fiets. Gereed om enige ding te sien wat naby ons beweeg.
BB het intussen twee keer babas gekry. Ek het eers as teler geregistreer, Arendsig. Toe het ek haar met geregistreede Miniatuur Schnauzers laat teel. Ek sal bietjie in die boeke moet gaan kyk, die tweede reuntjie se naam was Sparkie. En hy is Shilo se pappa. Ek kan nie onthou wat Sobek se pappa se naam was nie.
Dit is lekker om ‘n Schnauzer se mamma te wees. Hulle verstaan my, neem my behoeftes in ag en pas my op. Ek is so lief vir hulle.
***
Ek het die afgelope twee jaar bykans sonder hulle geleef. Hulle was veilig by my seun in sy erf, maar my hart het so baie verlang. Die naweek is hulle by my, lê en slaap langs my bed by die rivier. By my slaap hulle in die huis, by my.
Want, hulle gaan saam Kuruman toe. Ek sien glad nie kans om in Kuruman se bly sonder my woewe nie. Hulle is my ander asems in ‘n vreemde huis. My ore, my maatjies. My woefkinders.
As jy eenmaal n Schnausie gehad het kan jy nie sonder hul wees nie. My eerste enetjie in 1980 gekry. Spesiaal van Pretoria vervoer deur n gawe man wat oppad was Pietersburg toe. Ek was in Potties. Die man het gesê sy was die soetste hondjie die hele twee en ‘n half uur se ry. Was my eerste jaar hier in NZ sonder hond want my seun het ‘n yorkie gehad(wat nou al n ou man). 2010 gaan kyk ons sommer net vir die lekker na n nes klein hondjies. Was nie regtig van plan om n reuntjie te kry nie. Daar was net mannetjies oor van die agt kleintjies. Kom daai borselbekkies na my toe aan toe kon ek nie anders om een te koop nie. Ek het $1300 in my rekening gehad en dit uitgehaal en betaal. Dis nou my ou Trompie wat my alles is. Het jy geweet dat Schnauzers die meeste klanke(blaffe) het van alle honde?
LikeLike
Ek sal ook nie ‘n ander ras kan kies na hulle nie. Hulle is so oulik. Regtig, ek moet bietjie navorsing doen. En ja, hulle is goed duur.
LikeLike
Hul is dit dubbel en dwars werd.
LikeLiked by 1 person
Elke sent daarvan. Ek het BB se babas vir R6 000 elk verkoop. En hulle het soos soetkoek verkoop. Beste hondjies om in jou huis te hê.
LikeLiked by 1 person
Hi Christa, Hiers link na Challenge A-Z in April.
https://operationawesome6.blogspot.com/
LikeLiked by 1 person
Hi Scrapy, ek sal loer. Is dit ‘n kompetisie? Ek sal weer lees, maar verstaan nie lekker nie.
LikeLike
Blogging from A to Z. Jy het ruk terug navraag gedoen daaroor. Dit begin 1e April
LikeLiked by 1 person
Dankie Scrapy, ek sal daarna kyk.
LikeLiked by 1 person
Hulle klink die liefste goedjies. Ek het al baie oor hulle gewonder. Dit is ‘n baie gewilde ras hier in ons dorp.
LikeLiked by 1 person
Menskunders hulle, hoor.
LikeLike
Hulle is so gelukkig om jou te he! Ek kan sien hulle is almal sommer oulike en ‘n regte klomp BBs. 🙂
LikeLiked by 1 person
Hulle is beslis klomp BB’s. Nie like gather like son nie, maar like mom.
LikeLike
Hulle is te oulik met daardie gesiggies. Maar ek verbeel my hulle is ook op Rebusfontein?
LikeLiked by 1 person
Hulle is daar, maar die gebakleiery van die ander diere sit hulle af. Hulle veg nooit nie, dit is waarom ek Schnauzers so geniet.
LikeLike
Neewat diere op Rebus baklei nie. Hulle speel en jaag mekaar rond van pure lekkerkry
LikeLiked by 1 person
Daai een geveg was wild hoor, hulle het goed geskrik.
LikeLike
Ek het hom seker gemis. Ek is nie so op hoogte van al die diere nie. Daar is nou baie! Maar die wat op Rebus wil baklei moet maar uit!
LikeLiked by 1 person
Hulle het dit seker geniet.
LikeLike
Ek bewonder jou wat so sonder jou hondekinders moes klaarkom. Ons het ons Yorkie nog nie ‘n jaar nie en hy is onlosmaakbaar deel van ons lewens.
LikeLiked by 1 person
Jy weet, Appeltjie, Bekka word die maand tien, wat impliseer dat BB ouer is. Dit wass nie lekker nie, maar my seun het baie mooi na hulle gekyk. Anders was hulle saam met my in Kazakhstan.
LikeLike