Misverstand van Marieta van der Vyfer is teleurstellend

Ek wil graag die Libby toep gebruik om boeke te lees, maar, ‘n jaar later sukkel ek steeds met Stilbaai biblioteek, ek kan nou nog nie inkom nie.

So is ek weer biblioteek toe, die keer om te kyk of my kaart ooit geaktiveer is. Maklike toets, ek neem sommer ‘n boek uit.

Ek was onderhoof-blbioteekprefek op skool, dus is ‘n biblioteek nie vir my vreemd nie. Maar o wee, daar staan ek tussen al die boeke en weet nie wat om te kies nie.

Marieta van der Vyfer is bekende naam, ek het al van haar boeke gelees. Griet skryf ‘n sprokie is al die jare doelbewus vermy vanweë die “volwasse inhoud” daarvan. Glo my, ek gaan nooit “volwasse” genoeg wees om eksplisiete sekstonele te lees nie.

Misverstand klink egter na goeie boek, die man is moeg vir teleustellings en oorweeg selfmoord as uitweg om bekendheid te verwerf. Die skrywer wat homself verdrink het.

Ek lees dikwels ‘n boek verder as die eerste 10 bladsye voor ek besluit of ek gaan verder lees of nie. Eintlik kies ek my boeke goed, dus lees ek gewoonlik die hele boek, maar ek het al een of twee verkeerd opgesom.

Soos hierdie boek.

Binne die eerste bladsye twyfel die hoofkarakter aan ‘n “intelligente” hoërwese. Dus is ek teleurgesteld, wat word met “intelligente” bedoel? Veral na die gedeelte oor ironies.

Maar ek lees verder, tot my spyt.

In die volgende bladsye word van ‘n p@@@boek gepraat, dit is nou ‘n pornografie-boek neem ek aan? Die p@@@ is ‘n kras woord vir die vroulike privaatdele.

En toe sit ek die boek neer. Hiervoor het ek nie krag nie, nie vir ‘n boek wat geloof aanraak om dit af te kraak nie en beslis ook nie vir ‘n boek wat sulke woorde gebruik nie. Dit sou mos eerder ‘n hygboek wees? Ten minste is dit ‘n beter woord, selfs beter beskrywend, of het ek die kat aan die stert beet?

Ag nee wat, môre gaan die boek terug, ek sal kyk of ek nie liewers een van Steve Hofmeyr se boeke daar kry nie. Anders sal ek maar eers op die web soek en dan gaan haal.

Hierdie boek behoort ‘n waarskuwingsteken op te kry, moenie lees as jy nie daarvan hou dat jou God bevraagteken word nie. Ook nie as jy verkies om nie platvloerse woorde raak te LEES nie.

Ek het dus geen idee of die boek na sy skoktegniek goed is nie, vir my is dit ‘n boek om te vermy. Om die titel dan te gebruik – dit was ‘n groot misverstand om te dink dat die boek goeie leesstof gaan wees …

Ek het mos een keer thetravellingmind se skaal vir boeke gedeel en aangepas om my eie skaal te skep om boeke te beoordeel. Wel, hierdie boek kry nie eens een ster nie, dit is onder DNF (Moenie klaar lees nie). The travellingmind gee ‘n skrywer 100 bladsye voor sy besluit om neer te sit, ek het nie tot by bladsy 10 gelees nie. Daar is geen rede waarom ek sou wou weet of die man toe selfmoord gepleeg het of niem …

Ek lees nie net omdat lees lees is nie. Dit moet vir my sin maak, betekenis aan letterkunde gee. En hierdie boek verkoop waarskynlik weens sy ongure taal en seksverwysings. En daarvoor het ek nie die boek uitgeneem nie.

Sjoe, dit klink lekker, uitneem, hoe lanklaas in my lewe het ek dit gedoen? \n Boek uitgeneem om te lees. Seker laas in 2015 by Unisa, om navorsing te kan doen. Nie vir die lekker van lees nie.