Kleinkindpret: Oovahk

Ek moet net die woordeboek op datum hou, dit is nou my jongste kleinkind se woordeboek.

Hy ken blomme se name, ek vermoed mamma leer hom.

Op my verjaarsdag het hy saam met ons gery na die eetplek toe. En toe bel dollatjie om my geluk te wens. Natuurlik wil hy met haar ook praat.

Sy vra wat maak hy, en hy sê hy hou ‘n whoos (roos) vas. Sy vra wat dit is en hy verduidelik, dit is ‘n whoos, tannie, ‘n blom!

Snaaks dat ek nooit aan ‘n roos as ‘n blom dink nie, maar blom is goeie verduideliking.

Ons stap die een dag in die tuin en hy sê: Kyk die vahkoo (varkoor) ouma.” Ek sien, maar is verstom, hoe ken hy die woord?

Gisteraand sien hy een wat voor groei en sê: “Kyk die oohvahk ouma.”

Ek wou hom opvreet, hy ken die woord, draai dit toe alte oulik om.

Hooffoto: die rooi roos wat saam moes gaan is nog in die ruiker. Oupa was nie gelukkig omdat ek toelaat dat hy die roos uithaal nie, dit is sy geskenk vir sy vrou. Ek het daardie roos die hele aand geniet, dit is saam restaurant toe en hy het soos klein heer gelyk soos hy langs my stap, roos in die land