Kleinkind praat baie Engels, verstaan baie goed in Engels en is op emosies ingestel in beide tale. Juis oor die geEngelspratery het ek besluit om hom baie meer aan Afrikaans bloot te stel.
Dus toets ek gister weer die Afrikaanse CD’s wat ek so ruk gelede bestel het. Hy geniet Clamber Klub s’n, maar spesifiek die een vir die pad. So laat ek hom op die tafel staan en moedig ek hom aan om te dans op die maat van die musiek – wat hy swaai die boudjies en dans te lekker op die musiek. Ouma kan net nie so laag gebuk bly staan nie, dus moet hy maar na my hoogte skuif.
En toe begin die pret. Hy dans met die ogies toe, swaai die koppie van die een kant na die ander kant en maak homself so deurmekaar dat hy vir my wys ek moet sy handjies vashou. Maar hy gryp my duime vas en daar gaat hy weer op die maat van die musiek. En toe word die voete gestamp op die houtblad van die tafel – want dit gee so ‘n lekker klank.
Later sit hy in die sandput en staan ek daar by hom en dans en sing dat hy moet saam sing. En toe moet ek dit hoor:
Ouma, keep quiet!
Net so!
Nie dat ek dink dat ek mooi sing nie, maar dit was nogal indrukwekkend dat die kind vir my vertel dat ek moet stilbly in die Rooi Taal.
Ek stuur boodskappie vir sy ouers in die groepie en die aand vra seun blykbaar vir kleinseun of ouma moet stilbly. En hy “yes” sy pa. Hy gebruik nie ja en nee nie, dit is “yes” en “no”.
Sy pa vra toe waarom en die antwoord laat my eers lag:
Ouma moet dans!
Dr. Christa van Staden 
Nouja,,toe, ouma! Dans! Jy gaan sommer fiks word ook!
LikeLiked by 1 person
Ek skat so, liewe Seegogga. Maar, ek lag lekker, hierdie ouma kan nie dans nie.
LikeLiked by 1 person
Kanniw, verbeel ej my, is lankal dood. En n mens word gebore met dans…
LikeLiked by 1 person
Ek lief dans, maar langarm, nie die goed wat ek doen om sy aandag te kry nie ….
LikeLiked by 1 person
Jy het nou iets begin … 🙂
LikeLiked by 1 person
Ai Anne, en ek kan nie eens dans nie. Maar duidelik beter as saamsing ….
LikeLike
Haven’t read it yet, but why must grandma keep quiet?
LikeLiked by 1 person
Because he listens to the music. I am not allowed to sing as well.
LikeLike
Dalk weet hy ouma kan net op een ding op ‘n slag konsentreer? Oeps, dis ek, dalk kan jy nog 2 of meer goed doen
LikeLiked by 1 person
Nee, ek stem saam. My geslag konsentreer op een ding op ‘n slag. Hulle speel, luister musiek ek volg TV terselfdertyd.
LikeLiked by 1 person
Daardie dans is kleintjies se lewe. My hande hande word ook gegryp en ons moet dans vir die spreekwoordelike Afrika. Dis heerlik so saam. Sien jou al sing en dans.
LikeLiked by 1 person
Ai vriendin, dit is regtig baie lekker. Hoe gaan dit daar?
LikeLike
Net tyd om asem te haal en voort te storm nog steeds. Maar ek probeer net ignoreer en nie reageer op dinge nie. Sonder my met tye af. Sal van volgende week hopelik weer bietjie by blogs uitkom. Het fotos van toilet geneem , moet nog net die skryfwerk doen! Dis hoe besig ek is met alles en nog wat.
LikeLiked by 1 person
Sterkte liewe vriendin, steeds opgehou met rook?
LikeLike
Dankie. Wat bedoel jy met opgehou met rook? Ek’t nog nooit gerook nie haha.
LikeLike
Liewe aarde, Scrapy, skuus! Ek weet nie waarom nie, maar ek het gedink dit is Positief wat antwoord. Ek is so jammer, ek self het ook nog nooit in my lewe gerook nie.
LikeLike