Gepubliseer in Joernaal

Ekke in die 1980’s …

Hierdie ene vorm weer deel van ‘n uitdaging.

__________________

Ai Una, my foto’s is in Suid-Afrika, ek gaan kyk wat ek kan kry op my wolk.

Ons het iewers foto’s bymekaar gemaak vir my pa se 80ste verjaarsdag. En ek het so paar foto’s uit album afgeneem toe ons onlangs in die RSA was.

My troufoto’s is in die tagtigs geneem, 30 Januarie 1982 om presies te wees. Hier is ek saam met my vier susters.

My ma het ons almal se rokke gemaak. Dié susse wat getrou het s’n ook. My dogter is in die 1980’s gebore. 2 April 1983 om presies te wees.

‘n Dollatjie wat nie van slaap gehou het nie. Daarom sit ek hier nog in my nagkabaai, met hare wat permanent gekrul om ons twee vinniger gereed vir skool te kry!

Hier het ek darem ‘n skafliker haarstyl. Manlief hou van kort, ek bederf hom soms, net soms.

Hierdie foto is ook in die 80’s geneem. Seun se doop. Hy is op 14 Desember 1987 gebore. Sou dus Januarie 1988 gewees het.

Ek het my en dollatjie se rokke gemaak. En die wit pakkie wat boeta later die dag aangetrek het.

Een van die min kere wat ek geel gedra het. Daardie tyd was geel hoog mode.

Hoop dit help, Una?

Gepubliseer in Reisjoernaal

Die sneeuweergawe van Hansie en Grietjie

Eendag lank, lank gelede was daar ‘n man en sy vrou wat hulle deur die sprokiesagtigheid van ‘n sneeuland laat lok het om vir ‘n rukkie daar te gaan woon en werk. Om dit te kon doen, moes hulle hulle kinders, kleinkinders, huis, hondekinders, vriende en taal in hulle sonnige land agterlaat.

Hulle het geweet dat die mense in die sneeuland ‘n ander taal praat, maar hulle het dit nie verstaan nie. Hulle het ook geweet dat die mense van die sneeuland hulle – op die koop toe – nie sou verstaan nie.

Dit was ‘n baie moeilike besluit.

Hansie en Grietjie was baie lief vir hulle kinders, kleinkinders en woewe. Grietjie was ook baie lief vir haar troeteldiere.

En … die sneeuland was baie ver van die sonland af. Hulle moes twee dae lank per vliegtuig reis om in die stad te kom waar hulle sou woon. Die besluit is makliker gemaak omdat dit ‘n kort kontrak was. As dit moes, kon hulle binne twee dae tussen die sonland en die sneeuland reis omdat vliegtuie hulle woerts warts oor tienduisend kilometer kon vervoer.

Net wanneer hulle wou. En hulle wou gereeld na die sonland terugkeer. Omdat hulle naby hulle hartsmense moes wees.

Sprokieswêrelde het egter altyd ‘n heks, ‘n bedrieër, en vele ander karakters wat die pret uit die sprokie haal. In hierdie aanlynvervolgverhaal vertel ‘n groep vroue, wat hulself as die goue vroue omskryf omdat hulle ‘n stukkie goud in elkeen raakgesien het, die grootmensweergawe van Hansie en Grietjie.

As jy dus wil weet wat met Hansie en Grietjie gebeur het, mot jy gereld na hierdie skakel gaan om nuwe hoofstukke te lees.

Gepubliseer in Reisjoernaal

Goue Vroue, Maps.me en Mosambiek

Maps.me is blykbaar ‘n goeie toep in Europa. Manlief se tolk in Öskemen. Kazakhstan het dit gebruik om die hele Europa vol te toer. Vir ons kon hy nie oortuig om dit in Kzakhstan te vertrou nie. Want ons sal dit nooit weer vertrou nie. Nie nadat ons dit in Mosambiek getoets het nie.

Hierdie ware verhaal vorm deel van ‘n bloguitdaging: Vir die doel van hierdie uitdaging word elke Goue Vrou uitgedaag om ‘n ware verhaal te vertel waarin sy waaghalsig, roekeloos, dapper, onverskillig, vreesloos, uitdagend, mal, koen, riskant, gevaarlik of heldhaftig was. Met een groot verskil. Soos gewoonlik is die res van ons karakters in elkeen se ware verhaal. Die verhale van die Goue Vroue se waaghalsigheid kan hier gelees word https://fresh.inlinkz.com/p/f80d05d5846445598fea67b47c8a6182.

Lees voort “Goue Vroue, Maps.me en Mosambiek”

Gepubliseer in Joernaal

Die dag toe die reënkoningin vies geword het

Hierdie plasing virm deel van die volgende bloguitdaging:

Die wêreld verander teen ‘n vinnige spoed, ons kleinkinders word met ‘n selfoon en tablet in die hande groot. Hulle draai ‘n kraan oop, kry lopende water, sit ‘n skakelaar aan en daar is elektrisiteit. Sit ‘n TV aan en kyk ‘n storie. En dink selfs oumas is, soos Steve Hofmeyr oor spoke sing, so bietjie dom as ons nie so vinnig met die tegnologie is nie. Maar, daar is baie wat hulle nie weet nie, want ons oumas was ook kinders. En ons kan stories vertel …

‘n Bundel kinderstories uit die pen van die Goue Vroue.

Lees voort “Die dag toe die reënkoningin vies geword het”

Gepubliseer in Woefkinders

Ek is BB, die Miniatuur Schnauzertjie

Hierdie plasing vorm deel van die volgende bloguitdaging:

“Die wêreld verander teen ‘n vinnige spoed, ons kleinkinders word met ‘n selfoon en tablet in die hande groot. Hulle draai ‘n kraan oop, kry lopende water, sit ‘n skakelaar aan en daar is elektrisiteit. Sit ‘n TV aan en kyk ‘n storie. En dink selfs oumas is, soos Steve Hofmeyr oor spoke sing, so bietjie dom as ons nie so vinnig met die tegnologie is nie. Maar, daar is baie wat hulle nie weet nie, want ons oumas was ook kinders. En ons kan stories vertel …

‘n Bundel kinderstories uit die pen van die Goue Vroue.

Lees voort “Ek is BB, die Miniatuur Schnauzertjie”