Ek dink blogvriendin Anne gaan van hierdie tee hou. Dit is juis sy wat my oortuig het om Earl Grey tee weer ‘n kans te gee. Nou drink ek selfs Bergamot tee as ek nie lus is vir ‘n vrugte geur nie.
Iewers het ek egter oor Oolong tee gelees. En besluit dat ek dit wil toets. Maar ek kon dit nêrens opspoor nie. Ek het gesien Checkers in Suid-Afrika verkoop dit. En my dollatjie gevra om vir my te koop. Maar nou ja, ek weet nie of sy het nie. Ons was nog nie weer in SA nie.
Toe ontdek ek vandag in Colibri ‘n maak wat ek nie ken nie. Lyk deftig en is duur, Colibri is nie verniet Almaty se Woolworths nie. En koop ek twee soorte daarvan. ‘n Mint ene en ‘n Milk Oolong.
Toe moet ek eers kom oplees oor hierdie tee. Want sien, die milk deel het gepla. Met my laktose weerstandigheid wil ek nie kanse waag met my tee nie.
Die tee variant is blykbaar in 1980 in Taiwan ontwikkel. Dit is tussen groen tee en swart tee. En het met oksidasie te doen. Die proses wat groen tee in swart tee verander.
Dit het nie melk in nie (behalwe as mens nagemaaktes koop en ek hoop maar Berton is nie nagemaak nie). Dit word milk genoem omdat dit ‘n romerige smaak het, soos wat rooibos tee het. Die romerigheid wat op mens se lippe gevoel word.
Die smaak is lig, romerig, met soet blomagtig ondertone volgens Wikipedia. Ek proe net baie lekker. Klink amper soos ‘n beskrywing van wyn.
Dit bevat die volgende vitamienes: Persentasie van daaglikse inname in hakies:
- Fluoried (5 – 24%)
- manganese (26%)
- Potassium (1%)
- Sodium (1%)
- Magnesium (1%)
- Niacin (1%)
- Kafeïn (26 mg)
Moet dus nie drink voor ek gaan slaap nie.
Dit bevat die volgende oksidante: theaflavins, thearubigins, EGCG, wat blykbaar baie gesondheidsvoordele inhou.
Dit bevat ook theanine, ‘n amino suur wat help om stres te verlig.
Milk Oolong staan onder verskeie name bekend: Jin Xuan, Nai Xiang, TTES en #12 en Silk Oolong.
Die tee word geklassifiseer op grond van die naam van die berg en hoe hoog in die berge dit aangetref is.
Ons drink gereeld groen tee voor ons gaan slaap. En dit is vir my nogal sleg, dus kies ek die Bahama soort wat mens hier kry. Curtus. Het dit nog nie in Almaty opgespoor nie.
Maar, ek dink ek het ‘n nuwe liefde ontdek.
Hierdie tee is besonder lekker.
Ek lees dat dit die volgende gesondheidvoordele het:
- verlig stres
- help met metabolisme
- verlig droogheid van organe
- en dit is goed vir verslanking – ek gaan dit toets …
Nou lees ek mens kry ‘n perske smaak ook, wat langer geoksideer het. Proe of daar heuning en perskes in as, maar daar is nie …
Hoe lekker klink dit nie?
Dr. Christa van Staden 
Christa,nou het ek baie geleer. As jy melk moet vermy is gemmertee met heuning ook ‘n geurryke opsie. Hou gemmerstukke in ‘n flessie water in jou yskas vir dié doel.
LikeLike
Ek is gek oor gemmertee, en die gemmer in water in my yskas was as gevolg van iets wat jy iewers geskryf het. Dankie vir die raad.
LikeLike
Aha!Plesier😍
LikeLike
Oolong is ‘n ongewone, maar smaakvolle tee. Ek is bly dat jy nog die tee wandelpad loop om nuwe geure te probeer.
LikeLike
Ek is gek oor die geure wat hier te koop is. En … ek maak ook self …
LikeLike
Ek’s n teedrinker. Gaan beslis kyk of Ooling tee hier kry en bietjie probeer. In die winter drink ek gemmer en heuning tee vir verkoue.
LikeLike
Baie jare gelede toe ek 7 swanger was met my dogter, was daar grooooooot stremming in my huwelik. My baba wou uitklim en die dokter stuur my bed toe. Toe my tranedal bars, het skoonma (ja ek was hulle in die bed), vir my camomile tee gevoer, met die spesialis se toestemming. Ek kan tot vandag toe nog nie weer camomile tee oor my lippe kry nie.
LikeLike
Ek kan ook nie vat aan die smaak kry nie.
LikeLike
Ek het myself weer met my swangerskappe oortuig dat my craving vor rooibostee was. Daarna was rooibostee vir my baie sleg.
LikeLike