Gemmer en dadelballetjies

Ek kan nooit ‘n resep toets en dit dan vir altyd net so maak nie. Dus eksperimenteer ek met variasies op dadelballetjies. Hierdie een is tans my gunsteling.

Bestanddele

  • 250 gram dadels, in stukke gebreek
  • 100 gram Tennisbeskuitjies (halwe pakkie)
  • 100 gram Just Ginger Glazed Ginger
  • 10 gram klapperolie, die soort wat vir kosmaak gebruik word.

Metode

  1. Breek die Tennisbeskuitjies in die TM-houer
  2. Voeg die klapperolie by
  3. Maak die deksel met die meetkoppie toe
  4. Breek vir 3 sekondes teen spoed 5
  5. Maak oop en voeg die gemmer by
  6. Maak deksel met die meetkoppie toe en
  7. Breek vir 3 sekondes teen spoed 5
  8. Maak oop en voeg die helfte van die dadels by
  9. Maak deksel met die meetkoppie toe en
  10. Breek vir 3 sekondes teen spoed 5
  11. Maak oop en voeg die helfte van die dadels by
  12. Maak deksel met die meetkoppie toe en
  13. Breek vir 3 sekondes teen spoed 5
  14. Gooi in plat houer oor en maak klein balletjies
  15. Sit is lugdigte houer
  16. Hou oornag in yskas, daarna kan dit in koekblik gebêre word

Wenke

  • Gebruik klapper om die balletjies af te rond indien verkies
  • Die mengsel moet fynerig wees en maklik klou.
  • Indien die mengsel nie maklik klou nie, klop nog 3 sekondes teen spoed 5.
Advertisements