Kleinseun het onlangs by ‘n maatjie waar hulle gekuier het van myne geleer. En nou myne hy sommer baie goed, sommiges myne ook. Soos my peperduur iPad, wat ek nie sommer net gee om mee te speel nie. Ek weet nie of ek ooit weer een sal kan bekostig nie
So myne hy my weer toe ek vir hom vyf Smarties gee en maak of ek dit weer wil vat omdat hy hulle nie tel nie. Hy tel mos al tot by 10 en baie meer!
Hy kyk my toe ewe verontwaardig aan. Met die handjie ver weg van my gehou waar dit volgens hom veilig is. En hy:
Myne
dat ek verstaan dit is syne!
Ek myne toe ook en toe hy weer praat, lê ek soos ek lag. Want hy het alweer sy eie woord gemaak.
Myne
En net sodat ek mooi verstaan, voeg hy by:
Steyne
Wel, is dit nie oulik nie.
Myne … Steyne …
Die mannetjie se naam is Steyn. En Steyn s’n kan seker Steyne word na aanleiding van myne? Om te rym?
En nadat ek hierdie storie gister geskryf het, kom hy by my om weer te probeer om met my iPad te speel, as hy sy eie ene het. Ek sal nog daarvan vertel.
Iedergeval, toe redeneer hy so:
Ouma joune … myne … Steyne …
En dit is in die meeste gevalle waar.
Hy kan met alles in my huis speel. En onder toesig … ook op my iPad ….
Dus is myne Steyne ook …
Dr. Christa van Staden 
O hete…daai enetjie se praatvermoë gaan vir nog baie pret sorg. Maar dis ‘n goeie een…Steyne s’n is Steyne! En Ouma s’n is ook Steyne!
LikeLiked by 1 person
Ag Woordnoot, dit is vi my so oulik. Miskien meer omdat ek ‘n taalonderwyseres was?
LikeLiked by 1 person
Natuurlik….dis vir my so oulik hoe nuwe woorde gebore word. Aanmekaar. Mens moet dit net neerskryf en dalk eendag…word dit nuwe spreektaal.
LikeLiked by 1 person
Jy weet dan. Of net kosbare herinneringe aan die kleinkinders
LikeLiked by 1 person
Dit is baie oulik. My jongste kleindogter, wat meestal Duits praat, het ‘n lang gesprek met my in Engels gehou waarin elke sin met die vorige een moes rym. Dit was so lekker. Ek dink jong kinders hou van die ritme van rym.
LikeLiked by 1 person
Dit is so oulik. Ek gaan met die idee speel.
LikeLiked by 1 person
Te oulik!
LikeLiked by 1 person
Hy laat my so lag
LikeLiked by 1 person
Dankie, Aletta, ek geniet dit so
LikeLike
Dit is lieflik . My dogtertjie het gesê:: gee dit vir ek ,(in plaas van vir my)
LikeLiked by 1 person
Dit is so lieflik dat mens dit vir altyd onthou. Dankie vir die deel
LikeLike