Temu – ‘n interessante koopervaring

Ek was baie skrikkerig om Temu te gebruik, maar, ek moes net. Want warm broeke, wat ek in Kazakhstan leer dra het, is nie in Suid-Afrika beskikbaar nie …

In Kazakhstan het ek geleer om lang broeke te dra wat ‘n ekstra lagie het wat mens se bene teen die koue beskerm. Daar kon enige iets wat uitsteek binne sekondes in die winter voel of dit gaan afval – veral hande, oë en wange. En dan natuurlik bene wat nie in dik genoeg broeke versteek is nie.

Dit het die een keer gevoel of my been met ‘n speld gesteek word. En toe ek afkyk om te soek waar die probleem kan wees, ontdek ek dat my langbroek se binnekant op die besondere plek dun geskaaf het, so naby my knie. Dit was ‘n noue ontkoming om in ‘n winkel in te hardloop en uit te stap met ‘n broek wat ek gou in kleedkamers kon ruil vir die ene aan die lyf.

Temu bied die broeke goedkoop aan, dus het ek begin met drie. Grys, swart en vlootblou. Die groottes is reg, die nommer 8’s – hulle small – pas perfek. Ek is tans besig om nog te bestel, maar ek het op medium besluit sodat die broeke bietjie losser om die bene kan sit. Hoop nie ek maak fout nie. Maar as ek doen, stel my ma darem daarin belang. Dus is dit hopenlik nie ‘n groot probleem nie.

Ek bestel nou slegs klere in een bestelling. Want die staat het mos besluit dat mens nou meer belasting op die pakkies moet betaal. Aangesien ander goed steeds minder belas word, is dit blykbaar vir Buffalo baie moeilik om die nuwe belasting per pakkie uit te werk. Ons het eers 20% vir klere betaal, nou word dit 45% waarvan 10% vir ontwikkeling gaan.

Ek wil nog sien waarheen daardie geld gaan!

Maar, ek is bereid om 45% te betaal, die broeke is nie in my land beskikbaar nie. En daarsonder durf ek nie meer koue wintersdae aan nie.

Ek het ook al mooi gholf t-hemde gekoop, maar hou niks van die ysterritssluiters of die materiaal daarvan nie. Ek gaan hulle ook korter moet maak om te dra.

Maar ek het ook al twee baie mooi bloese gekoop.

Ek het ook al ander goed aangekoop, soos gloei-in-die-donker gholfballe, wat ek moet toets.

Ek het ook egter al pure Sjina-gemors gekoop, goed wat nie naastenby so oulik is soos wat op die foto’s adverteer word nie.

Die lekker van Temu is dat my pakkie regtig binne twee weke by my opdaag, die meeste van die tyd binne een week. Verder vra hulle posgeld nie, ek betaal slegs die invoerkostes. Dit is soveel beter as Amazon.com. wat invoerkostes vra sowel as posgeld, sonder om geld terug te gee want die kostes is beraamde kostes.

By Temu betaal ek die bedrag wat in my mandjie wys, dan word die pakkie verpak en na Buffalo gestuur. Dan kontak Buffalo my om die invoerbelasting te betaal. Sodra dit inbetaal is, beweeg die pakkie vanaf Sjina na Suid-Afrika, om binne enkele dae by my te wees.

Sodra die nuwe inkomstebelasting in werking gestel word, is dit beter om klere en skoene van nder goed te skei. Om eerder twee bestellings as een te plaas. Dan is dit maklik om die invoerkostes te bereken en sal die pakkie hopenlik nie op die pad draai nie.

Iedergeval, ek gaan steeds die broeke vanuit Sjina bestel.

Dit is die moeite werd, selfs teen dubbeld die prys! Ek weet, ek het in Kazakhstan geleer dat mens nie hoed koud te kry nie. Daar is broeke geskep om jou warm te hou. Jy moet net weet waar om dit te kry!