Appeltjie deel vanoggend haar pragtige foto’s van natuurlike lig wat sy geplaas het in antwoord op ‘n bloguitdaging. Toe herinner dit my aan die twee foto’s wat ek Sondag geneem het. Die titelfoto en hierdie ene.
Sommer so vinnig deur die oop ruit van die bakkie geneem. Want ons was in een van die berugte hoofstrate van Kuruman.
My foon kon uit my hand verdwyn. Net so woeps-waps!
Die son het bo-oor die wolk geskyn, ‘n helder silwer lig het aan die bo- en regterkant van die wolk gestraal. Ek wou dit vasvang – die intense lig.
Toe ek die derde foto wou neem, was die silwer randjie skoonveld. Ek het toe werklik sekondes gehad om die wolk af te neem.
Tuis kry ek die verrassing van my lewe. Die silwer blink toe nie so pragtig soos ek gesien het nie. 
Maar aan die bokant van die wolk het ‘n dynserige skadu gewys. So amper asof die Kunstenaar dit geteken het.
Ek dink mense weet ek is gek oor wolke, op universiteit het my kamerarol bykans slegs foto’s van wolke bevat. Hierdie een is vir my uitsonderlik, het julle al so iets afgeneem?
‘n Kunswerk van God.
Dr. Christa van Staden 
Ek neem baie fotos van wolke – elke een is anders. Hierdie fotos van jou is uitstekend 🙂
LikeLiked by 3 people
Baie dankie, Anne, ek moes mik en druk. Dit is vir my ‘n besonderse foto, wat sou die blou veroorsaak? Skaduwee van ander wolk?
LikeLike
Ja, ek dink so.
LikeLiked by 1 person
Such a stunning natural light image! Thank you for sharing with us, Christ. 🙂
LikeLiked by 2 people
Thank you, Amy, first time I saw this type of glow behind a cloud. I write in my motgher tongue (Afrikaans) and Google translates my work for others. I do know that the translations are sometimes weird …
LikeLiked by 1 person
Ek het gou geleer om my selfoon oral saam te neem en as ek iets sien dit dadelik af te neem, want sekondes en minute later is die oomblik en die lig verby
LikeLiked by 2 people
Dit is presies net so, soos gisteraand ook met die sonsondergang.
LikeLike
Mooi foto
LikeLiked by 1 person
Baie dankie, ek waardeer dit.
LikeLike
Sjoe! Dit is baie besonders! Ook ‘n wonderlike spel van kleur en vorm. Welgedaan!
LikeLiked by 1 person
Dankie San, ek moes blitsig neem.
LikeLike