Na aanleiding van kommentaar op vandag se foto-storie #8 deel ek so bietjie van dollatjie se troufoto’s, veral omdat vriendinne vra hoe my naaldwerk gelyk het.
Ek is mos eintlik eerder die akademiese enetjie. Wat hulle nie weet nie, is dat ek met ‘n naald en gare in die hand grootgeword het. My ma het ons vyf dogters se rokke gemaak en haar eie. My werk was om uit te knip, kleiner te sny, ritssluiters in te ryg, some in te sit. Ek mag nie aan haar masjien geraak het nie.
Manlief het vir my ‘n masjien gekoop toe ons getroud is. Intussen het ek vele ander gehad, ook ‘n Jemomi in Kazakhstan. Ek het vir my dogter en skoondogter elk een gekoop, maar ek dink nie hulle doen naaldwerk nie …
‘n Paar gesins- en familiefoto’s om ‘n idee van die gevolg te kry …
Ek neem aan mense wat in Mosaïekkerk in Weltevredenpark is, sal hulle predikant herken. Ook diegene wat Mosaïek se preke op die TV volg. Die foto met die blommemeisies is natuurlik ook een van my gunstelinge, almal is familie. Die seuntjies en strooijonkers ook. Die strooimeisies is vriendinne. En … ek weet nie of ek my kinders so maklik soos manlief sou afteken in die kerk nie, goed dit is pa se taak.
En dan die gevolg se klere: Ek het al die rokke en al die onderbaadjies en dasse gemaak. Dit is dus dubbele werk, want elkeen daarvan is gevoer … Ek het ook die kralewerk op die rokke en rokkies gedoen. En dan sommer net nog mooi foto’s van die kinders.
Terloops, mense vra of die tweetjies familie is, want my seun lyk baie soos skoonseun en sy twee broers. Hy staan heel regs op die foto, die twee ander manne is skoonseun se broers. Die antwoord is nee, maar dit is so dat mens aangetrokke raak tot mense wat jou aan jou familie herinner.
Dr. Christa van Staden 
Oeee. Hoe lekker kyk ek nou! Pragtige mense. En dan daardie naaldwerk! Absoluut pragtig! Jou yster. Jy mag maar. Te veel talente jy!
LikeLiked by 1 person
Sies, San, hoe skaam maak jy my nou. Moet sê, dit was nagmerrie om die rokke te maak met geen van die modelle wat gereeld kon kom pas nie. Een pas en toe moet dit pas.
LikeLike
En jy kry toe die pas 100% reg. Wel gedaan. As my jongste trou bel ek jou…
LikeLiked by 1 person
Pragtige foto’s! Goeie eindprodukte(die uitrustings) en jý, jy SKITTER!*
LikeLiked by 1 person
Dankie Letty-Anne, ek was nie so mal oor my rok nie. Het my gaar onder my arms gekrap. En weird gesit met die stywe kant …
LikeLike
Liewer dood as uit die mode.Onthou jy nog dié sê-ding?
LikeLiked by 1 person
Hmmm, maar dit was nie mode nie, my idee van mooi rok en die maker s’n het so bietjie verskil. Sy het my dogter se rok ook gemaak en dit was so mooi. My instruksies dalk bietjie af gewees.
LikeLike
Ai.Toemaar,dis die KLEUR wat die hardste praat.Lewendig en ryk.
LikeLiked by 1 person
Dit was die allermooiste kleur, rok nooit weer gedra nie. Wat ‘n vermosring van geld …
LikeLike
Aijaijai
LikeLiked by 1 person
Hmmm, maar ek het tog die dag mooi gevoel …
LikeLike
…opvallend so!
LikeLiked by 1 person
Julle lyk skmak pragtig! Jou nasldwerk amazing! My ma kon so mooi naaldwerk doen dat ek toe nooit geleer het nie! Ciralie us egter ook n boffin daarmee.
LikeLiked by 1 person
Is sy? Ek het nie geweet nie, ons het nie baie kontak nie. Sal seker verander as my kind nou eers naby haar bly. Dan sal ons mekaar meer re siene kry.
LikeLike
Vreeslik baie dankie. Dit was ‘n werk en ‘n half, maar ek was baie tevrede met die resultate.
LikeLike
Sjoe! So mooi!! Absoluut pragtig!! Ek hou baie van die kleurskema en jy het als so self gemaak. Vyfster naaldwerk!
LikeLiked by 1 person
Dit was vir my ook mooi kleurskema, baie dankie.
LikeLike
O dus mooi gemaak.
LikeLiked by 1 person
Dankie, Appeltjie, ek het dit geniet.
LikeLike