Ek was ‘n Voortrekker, in die hoërskool. Alhoewel my skool, Ermelo Hoërskool, baie groot was met 1200 leerders en ongeveer 10 matriekklasse, het EHS nie Voortrekkers aangebied nie. Ons moes na die tegniese skool – Ligbron – gaan vir Voortrekkers. Ek was dan ook Voortrekkeroffisier vir die kleintjies.
In matriek het ons die fakkel tussen Ermelo en Bethal gedra. Op die bus gewag vir jou beurt en dan die fakkel te voet gedra tot iemand anders oorneem. Laat ek bietjie lees warom die fakkel die land oor gedra is. Kan nie meer onthou nie. Kan net die opgewondenheid onthou. En nou kry ek niks op die net nie, sal moet verder soek.
My susters was ook Voortrekkers en my ouers was as heemsraadslede betrokke. Ek vermoed dit was om seker te maak hulle vyf dollatjies was veilig, ons was altyd waar my ouers was. Geen aflaai by iemand en ry nie.
So was ek met my dogter. Sy wou in standerd sewe by maatjies gaan oorslaap en dit sou ek slegs toelaat as sy Voortrekker is – saam met hulle. Sy het Voortrekker geword en beskou Doringkloof, die Vrystaatse Voortrekkerplaas by Kroonstad as die plek met die beste herinneringe.
Toe ek in 2002 by Welkom Gimnasium begin skoolhou, was seun se versoek. Vat ma asseblief ons span oor. Ek wou nie. Ek het weer Afrikaans Eerste Taal aangebied, wat nou as huistaal bekend staan. En dit was baie werk, aangesien ek ook tweede taal aangebied het in die nuwe skool. En … hekkies afgerig het. En die seunshokkie oorgeneem het.
Maar seun het mooi gevra. So gaan sien ek die Voortrekkerhoof, ek bied hulp aan, mits ek die graad sewes kan oorvat. Anders is ek regtig te besig.
Sy sê ek kan nie kies nie en ek sê dan is ek nie die jaar beskikbaar nie, ek moet my voete vind. Toe ek weer sien, het ek die graad sewes. ‘n Span wat jaarliks grgroei het sodat daar teen matriek 26 leerders in die span was. Wat ‘n voorreg!
Ek is nooit saam Doringkloof toe nie, dit het aaneen geloop met my week van hokkie in Potch. En ek wou nie twee weke van my huis af weg wees nie – lees manlief.
My span het goed gedoen, ons het die jaar die meeste hoofleierswagte en presidentverkenners in die land opgelewer. ‘n Prestasie. ir ‘n plattelandse span van die Vrystaat. Die groep kinders het dit vir my baie spesiaal gemak om hulle juffrou te wees.
Ons het aanvanklik by die Vaalrivier gekamp, sonder enige geriewe. Toilet was maar in die bos. Vir skoonword het ons op die boot geklim – in groepe – en in die middel van die Vaal gaan swem, hare ook so gewas. Ons het egter die week of lng naweek baie geniet en vele kentekens hier langs die Vaal nagestreef.
Lateraan was die huis gebou en het die kinders in die huis geslaap, bo. Toe was die stoep bo steeds oop. En ons het Maartvakansies hier Voortrekkerlewe uitgeleef, bootgery, op die water gespeel, die lewe geniet.
Vandag is my dogter Voortrekkerjuffrou, my oudste kleinseun Voortrekker, die kleintjies gaan volg.
En sy stuur ‘n skakel vir ons.
Die Voortrekkers het ‘n nuwe lied – Die spore wat ons los … gesing deur niemand anders as Adam Tas, wat Boer so gevoelvol sing. Hier is die woorde:
Die Spore Wat Ons Los
1. Ek is vas, stewig vas
op die Rots waarop ek hoop,
in my God, en in my woord.
Ons bly saam, elke tree
in die skadu’s van die berg,
ons storie word steeds uitgekerf.
Koor:
En o (met heimwee) die spore wat ons los,
die spore het soveel gekos.
En nog steeds na al die jare,
is ons nog hier.
’n Nuwe droom in ons gebore
soos die toekoms wink vir ons.
Ons vergeet nooit die verlede
want dis deel van ons.
2. In ons durf, in ons daad
is ons tot soveel meer in staat
en ons sal oor ons helde praat.
Met een stem sal ons roep,
en opnuut die fakkel dra,
elke kind, en ma en pa.
Koor:
En o (met heimwee) die spore wat ons los,
die spore het soveel gekos.
En nog steeds na al die jare,
is ons nog hier.
’n Nuwe droom in ons gebore
soos die toekoms wink vir ons.
Ons vergeet nooit die verlede
want dis deel van ons.
Brug:
En as ons trek, trek ons saam,
Voortrekkers by die naam!
Die skakel na die digitale platforms is hier beskikbaar:
https://AdamTas.lnk.to/DieSporeWatOnsLos
Luister op YouTube:
Dit is so mooi, die verlede en die toekoms saam in ons spore gekerf. Ons trek saam aan mekaar se swaar. En die groot waarde … God met ons, Voortrekkers is gelowige kinders, daar waar geloof nog deel van die opvoedingstaak van die volwassenes is.
Was lekker om te lees van die Voortrekkers. My oom Badie Badenhorst was van 1966 tot 1981 die hoofleier van die beweging wat destyds betrokke was met due inweiding van die monument by Bloedrivier en die Taalmonument in 1975.
LikeLiked by 1 person
Dit is baie interessant. Ek sien ek het gelees, maar nie kommentaar gelewer nie. Dus in die tyd toe ek self ‘n Voortrekker was.
LikeLike
Ja, hy was my Pa se enigste oom en het ook sy naam by hom gekry. Ben.
LikeLiked by 1 person
Dit is baie interessant, was julle ook in die Voortrekkers?
LikeLiked by 1 person
Kan jy dit glo, ons was nie! Altyd in klein dorpies gebly wat net Landsdiens gehad het
LikeLiked by 1 person
Dit is interessant hoor. Ons klein dorpies het Voortrekkers gehad in die ou Transvaal.
LikeLiked by 1 person
Het in Kaapprovinsie grootgeword
LikeLiked by 1 person
Christa,ja en dit klink alles wonderlik bekend.Hou Hoers!
LikeLiked by 2 people
Inderdaad, hou koers.
LikeLike
Hou Koers!
LikeLiked by 1 person
Jy ook, dit is ons leuse.
LikeLike
Dit kom nou daarvan om laatnag een vinger te tik!😐
LikeLiked by 1 person
Hmmm, hier is ons kragloos saans.
LikeLike
Ek kan nog onthou hoe die kinders destyds Hoërskool se deelteken gesteel het! Chaos!
LikeLiked by 1 person
By julle ook? Of was jy in my skool? Chaos inderdaad.
LikeLike
Lyttelton Hoër
LikeLiked by 1 person
Pretoria? Wie sou nou kon raai die Kaapse tweeling is van Gauteng?
LikeLike
Wye draaie gegooi.1ste skool was op Bloemhof(Stellenbosch),2de Eendrag(Pretoria),3de Akasiapark (Goodwood),4de skool Meidies Hoër (Pretoria) en 5de skool Lyttelton Hoër en dan nog iewers tussenin op Oudtshoorn en Westonaria ook!
LikeLiked by 1 person
Regtig? Ek was in Gerrit Maritz laerskool, maar net in standerd 3. Daarna is ek terug Modderfontein toe.
LikeLike
In Westonaria?
LikeLiked by 1 person
Ja, in Westonaria. 1971. Voor standerd 3 was ek in Modderfontein laerskool, dit was nog ‘n plaasskool. En ek was ook in standerd 4 in Modderfontein, die laaste jaar wat dit ‘n plaasskool was. Toe skuif die skool na Hillshaven.
LikeLike
Ons was daar in standerd 2.
LikeLiked by 1 person
Wanneer?
LikeLike
#Meisies
LikeLike
1967 die eerste 6 maande.
LikeLiked by 1 person
Ek was in 1967 in graad 1, dus het ons mekaar daar misgeloop. My pa het slaghuise in die omgewing gehad. Ek neem aan jou pa was nie op die myne nie – as ek na die dorpe kyk. Myne ook nie.
LikeLike
Pappa het op Westonaria in die skag afgeval.Hy het in sy universiteitsvakansies op die myn gewerk.Oupa- hulle het op Westonaria gebly en ons die eerste ruk as half- wesies by hulle.
LikeLiked by 1 person
Liewe aarde, Letty-Ann, dit is verskriklik, hoe het so iets gebeur? My man is op die myne, ek wonder of veiligheid toe so streng was soos dit tans is. Jy was nog so klein, arme julle.
LikeLike
Die ou wat die skip beheer het,het fokus verloor en die hyser opgepluk terwyl pappa nog met een voet op die platvorm gestaan het om die klokkie se luisein te voltooi as aanduiding dat die hysbak maar kan vertrek. Hartverskeurend.Mamma was 27.Ons was 7 jaar en ‘n dag oud.Die goed uit die sleg is dat ons met mynbeurse kon studeer.
LikeLiked by 1 person
Ai Letty-Ann, dit is baie erg. Wat het julle twee studeer?
LikeLike
Joanie: Opvoedkundige Sielkundige (MEd) en ekke BA Kommunikasie met hons in Staatsleer en Internasionale Politiek.
LikeLiked by 1 person
Sjoe, julle het interessant gaan studeer. Dit is goed om te weet fat daar vir julle gesorg is. Die mynmense het by my pa vleis gekoop, dit is al wat ek toe van myne af geweet het. My ouers behoort egter die saak te onthou. Ek was te klein.
LikeLike
Teologie student van Stellenbosch,Deon Malherbe.33 jaar oud.
LikeLiked by 1 person
Die Voortrekkers is ‘n baie goeie ding vir kinders. Ek was in ‘n plaasskool die eerste 3 jaar van skool en toe sluit dit en moes almal dorpskool toe gaan. Ons het by die plaasskooltjie Landsdiens gehad en omdat ons plaas redelik naby die skooltjie was (sowat 3km stap – veel nader as al die ander, alhoewel steeds relatief ver), het die ouer kinders op ons plaas gronderosie verhoed deur klippe te pak in plekke, waar die water die grond redelik erg verspoel het – as deel van hulle program. My een ouer sus was deel van die groep, ek dink ek was nog te klein om deel te neem. Ek wonder of skole nog Landsdiens doen?
LikeLiked by 1 person
Nou laat jy my verlang, hoor. Ek was ook in klein plaasskooltjie, seker naby genoeg om te stap, maar ons het tot by die bushalte gestop en dan het die bus on skool toe gevat. Ek weet nie, hoor, ek dink Voortrekkers het oorgeneem.
LikeLiked by 1 person
Ons was 32 kinders, 2 klasse en my klas was Gr1-St1. Baie lekker dae gewees! Ons Ho-erskool se leuse was: Padlangs. Ek hou van die skoolliedere, hier in Engeland het bitter min skole so iets. Nog nooit ooit by ‘n laerskool so iets gehoor nie. Ons het dit altyd trots gesing, uit volle bors met Die Stem.
LikeLiked by 1 person
Ons het ook en dit was wonderlike dae, die saamsing uit volle bors.
LikeLike