Die Goue Vroue het so pas die uitdaging aanvaar om emmerskoplysies met mekaar te deel. En mekaar te help om dit uit te leef. Dit was een heerlike vervolgverhaal van lag en avontuur en selfs so bietjie uit gemaksones druk. Myne altans, ek het in Eleon Musk se vuurpyl om die aarde gesweef.
Ons sit op Rebusfontein se stoep, elkeen met ‘n koue limonade in die hand. Ek het dit op die Kazakhstan manier gemaak, dit is nie so soet soos die Suid-Afrikaanse weergawe nie.
Ons babbel en gesels en vertel weer van die wedervaringe. Bedank almal wat ons gehelp het om ons lysies uit te leef. Woordnoot het my mos in ‘n lugballon gekry. Wat ‘n ervaring!
Die virus is goed vir ons, as ons nie kan reis nie, is die verbeelding weer goed aan die werk.
Toortsie vra of ek al aan nog ‘n tema vir ‘n vervolgverhaal gedink het.
En ek moet heel verleë erken dat ek het.
Sommer baie.
“Wat?” vra Appeltjie. Want sy moet beplan, sy het ‘n huis om gereed te kry. Die trek was lank en swaar. Laat haar aan gedigte oor osse en ossewaens dink. “Kan dit nie vergemaklik word nie?” vra sy hoopvol vir haar feëtjie. Faye sê nee, dit gaan sy self moet doen. Sy dra nie verantwoordelikheid vir so ‘n taak nie.
“Ja, nee” stem my BB Miniatuur Schnauzer saam.
“Julle moet die gekibbel in ons huis hoor as die man van die huis goed soek wat hy self gehad het. Ek help ook nie trek nie. Gee eerder morele ondersteunung.”
Sobek en Shilo stem saam. Daar hou hulle hulle uit.
Frannie stem ook saam met die diere, daai is lat wat sy nie vir haarself pluk nie.
“Maar waaroor kan ons volgende skryf?”
Dit is een groot gekekkel op die plein, elkeen het ‘n voorstel.
Una vra skool, VirgoC wil ‘n avontuur in die land van sand beleef, Woordnoot dink ons moet oor haar goue ore skryf, Positief soek iets oor plaasdiere, Trommeltjie wil al weer die wêreld vol rits, Scrapy soek iets oor die kunste en Scrapy oor die magiese wêreld van suiderligte en Sonell dink aan iets oor radio’s. Kameel wil oor kinders skryf.
En ek het ‘n idee, ons kan al die idees saamvat in een storie …
Ek Aalsie dop.
Sy maak geen voorstel nie, want ons almal weet al baie lank wat haar voorstel is.
Dan val ‘n ander avontuur voor en is ons verbeelding weer weg met ons. En dié keer is dit haar beurt om te begin …
“Aalsie, gaan jy vir ons die eerste kinderstorie skryf?”
*****
Die wêreld verander teen ‘n vinnige spoed, ons kleinkinders word met ‘n selfoon en tablet in die hande groot. Hulle draai ‘n kraan oop, kry lopende water, sit ‘n skakelaar aan en daar is elektrisiteit. Sit ‘n TV aan en kyk ‘n storie. En dink selfs oumas is, soos Steve Hofmeyr oor spoke sing, so bietjie dom as ons nie so vinnig met die tegnologie is nie. Maar, daar is baie wat hulle nie weet nie, want ons oumas was ook kinders. En ons kan stories vertel …
‘n Bundel kinderstories uit die pen van die Goue Vroue.
Kliek op hierdie skakel om die ander stories te lees.
https://fresh.inlinkz.com/p/d9a4e9bae6aa4e179beee4acc3690247
Sjoe Christa. Jy laat waai! ‘n Wonderlike idee!
LikeLiked by 1 person
Toortsie se skuld, sy het gevra of ek idee het. En ek is gek oor Aalsie se kinderstories idee wat al so lank in die lug hang.
LikeLiked by 1 person
Individuele stories? Opwindend!
LikeLiked by 1 person
Individueel, ek sien so uit om dit te lees en met my kleinkinders te deel. Elkeen met sy eie opskrif, kan selfs baie meer as een skryf.
LikeLike
Skryf ons in volgorde of skryf elkeen wanneer sy wil?
LikeLiked by 1 person
Ek dink elkeen kan skryf soos wil, sommer baie meer as een. Wat dink jy? Ek het net met Aalsie begin –
LikeLiked by 1 person
Ek hou daarvan as elkeen kan skryf wanneer sy wil, maar dan kry ons soms minder inskrywings?
LikeLiked by 1 person
Dit is beslis waar. Elke keer, sal ons kyk en aanmoedig?
LikeLiked by 1 person
Jip
LikeLiked by 1 person
O lekker. Voorlees stories. Kan ek n selflees storie skryf vir 8 jariges of gaan julle n voorlees verkies
LikeLiked by 1 person
Oe jitte, Appeltjie, natuurlik. Dit gaan so oulik wees.
LikeLike
Daar gaat ons dan weer verder.
LikeLiked by 1 person
En iets waarvan jy natuurlik ook bie gaan hou.
LikeLike
Haha, het al klaar begin grawe in my storie gedagtes(dis mos wat mens doen as mens moet slaap!)
LikeLiked by 1 person
Scrapy, jy ook? Hou my sowaar wakker.
LikeLike
Netso. Het nou eers my Wasdag geskryf. Sal seker later in die week die storie vertel.
LikeLiked by 1 person
Dankie, dankie.
LikeLiked by 1 person
Ek stel voor dat ons, behalwe al die nuwe stories wat ons nou gaan skryf, ookenige ou kinderstories wat ons in die verlede geskryf het, sal aanhaak by die inkinks.
LikeLiked by 1 person
Dit klink na ‘n wonderlike plan. Dan is alles bymekaar.
LikeLiked by 1 person
Nou is Aalsie se storie so oulik, dalk wil julle eerder daarmee aangaan?
LikeLiked by 1 person
Die lekker van die blogs
LikeLiked by 1 person