Ek was so versigtig, regtig. Oë op die grond, klein treetjies. Beide voete nooit in die lug. Een altyd veilig op die grond. Effens vooroorgeboë as ek stap.
Oë soekend na ‘n gladde kol tussen die sneeu op die paadjies. Daar was baie “oe!” oomblikke as een voet gly. Omdat ek steeds staande was.
Gister is ons saam met ons Russiese vriende na ‘n vakansie-oord. Elena het daar aan ‘n brain bar quiz deelgeneem. En Sergei was nie lus om alleen rond te drentel nie.
En toe is ek aan die gesels saam met manlief en ons Russiese vriend. Ingedagte terwyl die twee gesels.
Giggel elke keer geskok as een van die twee gly en balans hou. Bly dat ek kyk waar ek loop. Om my stap almal gly-gly aan.
Ek stap op hulle spoor dat ek kan sien waar dit glad is. En kyk die gladde kol in die koelte langs ‘n kar mis.
Voor ek kon sê “oe” was my voete onder my uit. En die galante Rus dadelik by om my op te help.
Ek verleë, maar self kon ek nie op. En met een hand kon hy nie help want my voete bly gly. Oulik hoe hy ophelp.
Beide my hande in syne. Met ‘n voet wat keer dat ek verder gly. My ego was gekneus, maar die dik jas het gekeer dat ‘n arm of heup vanoggend seer is. En ek het op beide geval.
O ja, die skoon sneeu het ook die verleentheid verberg. Dus het net ons drie geweet dat ek geval het. En wat sê hy?
Nou is ek amptelik in ‘n Rus, ek het my eerste val gehad. Manlief is dus lankal een. Verlede jaar die tyd en so maand gelede ook geval.
Hoe was dit?
Ek het die dag so gevrees, maar ek kan nogal eerlik sê dat die Here engele gestuur het om te help. Die val was sag. Die ego is ook nie te veel gekneus nie.
Inteendeel. Ek het dalk geen keuse gehad nie. Ek sien ons het gister meer as 13 000 treë geloop. Daarmee het ek die noodlot getart!
Ek sal in aparte artikel van die uitstappie self vertel. Het gister wel genoem dat hulle die strooi pop Maslenita daar ook gebrand het. Om winter te verjaag.
Met mooi foto van haar. Die foto bo is van haar gesig.
Dit was ‘n wonderlike Sondaguitstappie.
Dr. Christa van Staden 
My oë is groot, net te bly jy het nie erg seergekry nie!
LikeLike
Ek dink ons dik jasse is soos komberse. Beskerm teen die val. Dankie Una.
LikeLike
Dit klink nie lekker nie maar tog is ek bly jy het dit beleef en ook oorleef sonder te veel seerkry.
LikeLike
Scraoy, ek dink my ego het so bietjie van ‘n knou gekry omdat ek nie self kon opkom nie. Ek sou graag op wou wees voor iemand sien …
LikeLike
Dis nogal n ding om jou pose te hou voor almal. Baie bly die Russiese vriend het geweet wat aangaan.
LikeLike
My manlief het sowaaf nie gehelp nie.
LikeLike
Ek dink die skok was te veel vir hom,
LikeLike
Hmmm
LikeLiked by 1 person
Dankie tog vir sagte landings..
LikeLike
Hmmm, ons baadjies is lyk my nie net vir warm kry nie …
LikeLike
Bly jy het nie seergekry nie, maar nou kan jy darem ‘n val in die sneeu ook aftiek. 🤣
LikeLike
Daai kan ek aftick. Gelukkig waar dit skoon is geval.
LikeLiked by 1 person
Jy wasgelukkig.
LikeLike
en was ekke nie …
LikeLiked by 1 person
Was dit ek, het ek net daar gesit en gegiggel soos ‘n waansinnige. Dis my gewone reaksie. Moet seker die skok wees, maar om die een of ander rede is dit vreeslik snaaks as ek (of iemand anders) val en nie kan opkom nie. Ek is bly jy is ongedeerd.
LikeLike
Dis maar goed jy het ‘n dik jas aangehad.
LikeLike
Daardie geluk moet ek nie vergeet nie. Vreemd, ek het verwag ek gaan baie seer wees want ek het op een heupbeen geval en een voorarm. Agteroor, nie vooroor nie …
LikeLiked by 1 person
Dit klink erg.Gelukkig is jy klein en lig, wat ook gehelp het.Trap maar versigtig.
LikeLike
Dankie Perdebytjie. Ek skat adrenalien het te vinnig gepomp vir seer kry
LikeLike
Gits Christa! My boud pyn vir jou part, maar nou het jy ook jou eie stukkie grond gekoop. 🤪
LikeLike
Jy is nou val val ingelyf. 😊
LikeLike
Ek is blykbaar nou ‘n ware Rus
LikeLiked by 1 person